Ko ha Fakafeʻiloaki Angaʻofa

Brittany H., taʻu 9, ʻOhaiō, ʻAmelika

ʻOku ʻi ai ha kiʻi taʻahine ʻi heʻemau pasí ʻoku ʻulungāanga kehe. ʻOku ʻikai hano ngaahi kaungāmeʻa pea angakovi ʻa e tokotaha kotoa ki ai. Naʻá ku ongoʻi ʻoku ʻikai sai ʻeni peá u ʻalu ʻo fakafeʻiloaki ki ai. Naʻá ne fie maʻu ke ma tangutu fakataha pea naʻá ku fai ia. ʻOku ou faʻa tangutu fakataha mo ia ʻi he ʻalu ko ia ki he akó. ʻOku hangē ʻoku fiefia angé pea ʻoku ongoʻi fiefia ai mo au. ʻOku ʻi ai haku kiʻi tokoua siʻisiʻi ʻoku ʻi ai haʻane ngaahi fie maʻu makehe pea ʻoku ou fakaʻamu ʻe fai ʻe ha taha ha meʻa tatau maʻana ʻi heʻene fuʻu lahí.