Tohi ki he ʻĒtitá
Ngaahi Tali ki Heʻeku Ngaahi Fehuʻí
ʻOku ou fakamālō koeʻuhí ko e makasini fakaʻofoʻofa ko ʻení pea mo e ngaahi fakamoʻoni, fakamatala foʻou, fakamatalaʻi ʻo e folofolá pea mo e nāunau ako fakalēsoni ʻoku ʻomi aí. Kuo lahi e ngaahi taimi ne u fai ai ha ngaahi fehuʻi ki he Tamai Hēvaní pea tataki au ʻe he Laumālie Māʻoniʻoní ki he Liahona, ʻo u maʻu ai e ngaahi tali ki heʻeku ngaahi fehuʻí. ʻOku ou maʻu ʻa e makasini takitaha ʻi he fiefia.
Evgenija Samarskaja, Lūsia
Fiefia ke Maʻu ʻa e Liahoná
‘Oku ou saiʻia ʻi he Liahoná, pea ʻoku ou totongi ʻo aʻu ki ha makasini ʻe nima he taimi ʻe taha. ʻOku mau fakaʻaongaʻi e ngaahi makasiní ke meʻaʻofa ʻaki ki homau kaungāʻapí. Naʻe talamai ʻe ha taha ʻo homau kaungāʻapí ko e taimi ʻokú ne aʻu mai ai ki ʻapi kuó ne ongosia mo loto mafasia mei he ngāué, ʻokú ne fiefia ke maʻu ha makasini heʻene puha meilí. ʻOku ou ʻiloʻi ʻoku tataki fakalaumālie ʻa e meʻa kotoa pē ʻoku hā ʻi he makasiní—ʻo kamata pē mei he ngaahi pōpoaki ʻa e Kau Taki Māʻolungá ʻo aʻu ki he ngaahi talanoa mei he kāingalotú—pea ʻoku hanga ʻe heʻeku lau iá, ʻo ʻomi kiate au ha ʻilo mo ha ngaahi tāpuaki mo ne tokoniʻi au ke u maʻu ha ʻofa mo ha loto mahino ki hoku kāingá.
Bertha Viola Rétiz Espino, Mekisikou