Naʻá ku Palōmesi Ange Ki he Tamai Hēvaní

Hiroko Fukuda, Tōsieki, Siapani

ʻI he kei taʻu tolu ʻa ʻIukalí, ne ʻomi fakataha ʻe he kinitakātení ha huʻakau mo e kofi. Koeʻuhí ne akoʻi ange ʻe he faʻē ʻa ʻIukalí ʻa e Lea ʻo e Potó, ne ʻikai inu ʻe ʻIukali ʻa e kofi fakahuʻakaú. Naʻá ne fakafonu ʻene ipú ʻaki ha vai peá ne inu ia.

Ne pehē ange ʻe ʻIukali ki heʻene faʻeé ʻi ha ʻaho ʻe taha, “ ʻOku ou fie inu kofi fakahuʻakau au ʻo hangē ko e niʻihi kehé.” Naʻe tangutu hifo ʻa ʻene faʻeé mo ia ʻo tokoni ke mahino ki ai ʻa e ʻOfa ʻa e Tamai Hēvaní kiate iá pea ʻoku ʻikai ke Ne fie maʻu ke inu kofi pea ko e fekau foki ia. Talu mei he ʻaho ko iá ne fakapapauʻi ai ʻe ʻIukali naʻe ʻikai fie inu kofi ia. Ne ʻosi mei ai ha taʻu ʻe taha.

ʻI ha ʻaho ʻe taha, ne ʻikai ke ʻi ai e faiako ʻa ʻIukalí, pea haʻu ha faiako kehe ki he kalasí. Ne fai pē ʻe ʻIukali ʻa e meʻa angamahení ʻo ne inu vai pē. Naʻe sio ʻa e faiakó ki he meʻá ni peá ne fehuʻi ange, “Ko e hā ʻokú ke inu vai aí?” Ne fakamatala ange ʻe ʻIukali ʻokú ne kau ki he Siasí pea naʻá ne palōmesi ki he Tamai Hēvaní he ʻikai te ne inu kofi. Ne ofo heni ʻa e faiakó. Talu mei he taimi ko iá, ne ʻikai toe ʻomi ʻe he akó ha kofi fakahuʻakau ka naʻa nau ʻomi ha ngaahi inu kehe.