Manatu mo Afiafi Faaleaiga
O nei fautuaga faafaiaoga ua saunia e tuuina atu ai ia te oe nisi o manatu. E mafai ona e fetuunaia mo lou aiga.
“O Tupu i Matou e Toatolu,” p. 12: “O le toatele lava o tagata e sili atu ona latou aoao ma umi se taimi e manatua ai pe a e tuuina atu ni manatu i le faaaogaina lea o ata, o faafanua, o le faavasegaga o upu, po o isi mea faitino.”1 Mafaufau e faaali atu ata mai lenei tusiga po o se isi aitema ao e aoao atu mai lenei tusiga. O le faatinoina o se vaega o se auala lea e faaaoga ai tagata taitoatasi e avea o ni mea faitino2 Mafaufau e faatinoina se vaega o le asiasiga a le Au Makoi i le tamaitiiti o Keriso a o e suesue ma lou aiga.
“Tapuai e ala i le Migao,” i. 26: Atonu o le a sili ona malamalama tagata o le aiga ma faaaoga mataupu faavae pe a tuuina atu ia i latou avanoa e aoao atu ai mataupu faavae i isi.3 Mafaufau e tuu atu i tagata o le aiga e aoao e le tasi le isi i mataupu faavae mai le tusiga. I ni nai aso ae lei oo i le afiafi faaleaiga, vaevae le tusiga i ni vaega se tolu ma valaaulia ni tagata se toatolu o le aiga e faasoa mai i le taimi o le afiafi faaleaiga mea na latou aoaoina mai a latou vaega.
“O Le Faamanuiaga o le Galue,” i. 36: O tala e mafai ona fagua le naunau o e o loo aoaoina ma e tele lava o se auala aoga e aoao atu ai.4 Ina ia faapupula atu le aoaoga faavae o le galue lea na aoao mai e Epikopo H. David Burton, mafaufau e faasoa mai le tusiga ia aafiaga o Peresitene Thomas S. Monson, Henry B. Eyring, ma Dieter F. Uchtdorf. E mafai ona e faaiuina lau lesona i le valaauliaina o tagata o le aiga e faasoa mai se tala e uiga i le galue lea sa faamanuiaina ai o latou olaga.