O Se Savali o le Kerisimasi mai le Au Peresitene Sili i Tamaiti o le Lalolagi

O Le Mafuaaga o le Ofoofogia

O le vaitau o le Kerisimasi o se tasi lea o taimi pito i sili ona matagofie o le tausaga. Ae peitai, e le o meaalofa, o laau [kerisimasi], o mea teuteu, po o meaai e avea ai lenei ma vaitau e tumu i le ofoofogia.

Ae o lo tatou manatuaina o le fanau mai o lo tatou Faaola, o Iesu Keriso, e avea ai le Kerisimasi ma vaitau e matuai taua lava.

Ao tatou taumafai e manatua lo tatou Faaola, o le a tuputupu ae pea lo tatou naunau e ola faapei o Ia. E le o se tulaga tupu fua le avea ai o le Kerisimasi o se vaitaimi o le tausaga lea e sili atu ona loto alolofa ai tagata, sili atu ona limafoai, sili atu ona agalelei, ma sili atu ona loto faafetai.

Ao tatou taumafai e mulimuli i faataitaiga a Keriso i lenei vaitau ma tatou faia le mea sili e ola ai faapei o Ia, ia tatou saili ni auala e siitia ai i luga i latou o loo siomiaina i tatou. Tatou faamanatuina le fanau mai o lo tatou Faaola i le avea ma soo o Keriso i le upu ma galuega.

Matou te molimau atu pe a tatou faia lena mea, o le naunau e mulimuli ia te Ia lea e tuputupu ae i o tatou loto i le taimi o le Kerisimasi, o le a faaauau pea ona atiina ae i le tausaga atoa a sau.

Peresitene Thomas S. Monson

Peresitene Henry B. Eyring

Peresitene Dieter F. Uchtdorf

O Le Soifua mai o Keriso, saunia e Nathan Pinnock