Faaofuina i le Alofa

Walter Ciro Calderón R., Bogotá, Colombia

Ia Tesema, o le vaitau e maaleale ai lagona o tagata a o latou manatuaina le soifua mai o Iesu Keriso ma mea na Ia faia mo i tatou e ala i Lana Togiola e le iu.

Ina ua ou taunuu atu i le fale mai le galuega, na faasoa mai ia te au e la’u fanau e toatolu ma lo’u toalua lalelei se faaiuga sa latou faia e uiga i le Kerisimasi: “E le toe manaomia e faatau ni meaalofa mo lenei tausaga,” sa latou faaalia mai.

Sa ou fesili atu, ma le ofo, “Ae o le a se mea na oo mai ai lenei faaiuga?” Na ou fesili atu i ai aua, o le a ositaulagaina e la’u fanau se mea latou te tulimatai ma le naunau i ai i le tausaga atoa.

Sa vave lava ona latou o atu ma to mai o’u suti tuai e lua, ua amata ona tautau mai pito filo. “Tama,” sa latou fai mai ai, “o tupe sa faapea o le a tatou faaaogaina mo meaalofa o le Kerisimasi, matou te mananao e sui ai nei suti tuai i se suti fou. Matou te fia vaai atu o e alu i le galuega i se suti fou!”

Sa ou iloaina o le agaga moni lava lenei o le Kerisimasi. Pe a tatou ositaulagaina se mea mo se isi, e oo mai ia i tatou le malamalamaaga i le uiga o le Togiola a Iesu Keriso.

Mulimuli ane, ina ua ou faamauluina le suti fou sa ou mauaina mo le Kerisimasi, sa ou lagonaina sa faaofuina au i le alofa.

E le manaomia ona faatau ni meaalofa mo matou i lenei tausaga,” sa fai mai ai la’u fanau.