Ikapulo Ang Maayo Kaayong Pagpili

Ni Elder Sheldon F. Child

Miserbisyo isip sakop sa Seventy gikan sa 1996 hangtud sa 2008

Gikan sa pakigpulong sa kinatibuk-ang komperensya nga gihatag sa miaging Abril 2008.

1. Sa bata pa ako, usa ka silingan mihatag kanako og bag-ong natawo nga nati.

2. Ang pagpadako og nati lisud nga trabaho. Giamumahan nako kini ug gilawgan.

3. Sa adlaw nga gibaligya ni Papa ang nati mao ang adlaw sa dili masabtan nga pagbati. Mingawon ako sa nati, apan nagpaabut ako nga makadawat og ganti sa akong tinud-anay nga kahago.

4. Sa dihang miabut si Papa sa balay, iyang gibutang ang 20 nga platang mga dolyar sa akong mga kamot. Daw og ania na nako ang tanang kwarta sa kalibutan.

5. Giihap nako, gitrapohan, ug gidayeg ang matag sinsilyo.

6. Pagka Dominggo akong gibutang ang duha ka platang dolyar sa akong bulsa sa wala pa ako moadto sa simbahan aron ako mobayad sa akong ikapulo.

7. Lisud alang kanako sa paghatag sa akong ikapulo sa bishop, apan nindot nga bation nga magmasulundon sa Ginoo.

8. Ang akong inahan misulti kanako nga siya mapasigarbuhon kanako. Siya misulti kanako nga ako mapanalanginan tungod sa pagbayad sa ikapulo ug kini ang pinakamaayo nga puhunan nga sukad akong nahimo.

Tabang alang sa mga Ginikanan

Kita mapanalanginan kon kita mobayad sa ikapulo (tan-awa sa 3 Nephi 24:10–12). Makagamit ka sa mga kalihokan niini nga seksyon aron makatabang sa pagtudlo kabahin sa ikapulo.

• Mahimo nimong isaysay ang istorya mahitungod ni Elder Child o ang imong kaugalingon nga kasinatian aron sa pagtudlo unsay atong bation kon magsunod kita sa balaod sa Ginoo kabahin sa ikapulo.

• Magamit nimo ang gitagoan nga litrato sa sunod nga pahina o usa ka kalihokan sa imong kaugalingon aron sa pagtabang og tudlo kon pilay ibayad sa ikapulo.

• Magamit nimo ang ideya nga garapon sa ikapulo sa sunod nga pahina o usa sa imong kaugalingon sa pagdasig sa mga bata sa pagsugod og bayad sa ikapulo karon.

• Magamit nimo ang maze sa pahina 73 sa pagtudlo asa paingon ang ikapulo.