Mga Istorya ni Jesus
Ang Langitnong Amahan ug si Jehova Milalang sa Kalibutan
“Himoa nga adunay kahayag!” Miingon si Jehovah*. Sa kalit, usa ka masanag nga kahayag mitunga diha sa kangitngit sa wanang. Ang Langitnong Amahan ug si Jehova nakakita nga ang kahayag maayo. Ilang gitawag ang kahayag nga adlaw ug ang kangitngit gabii. Usa ka bag-ong kalibutan misugod.
Ang Langitnong Amahan misugo kang Jehova sa paglalang sa yuta. Sila manag-ubang nagplano sa maampingong paagi aron adunay pagkaon, tubig, mga mananap, ug tanang butang nga gikinahanglan sa atong yutan-on nga panimalay.
Si Jehova migamit sa gahum sa priesthood aron tukuron ang mga elemento. Ang tanang butang misunod sa Iyang mando. Siya milalang og usa ka planeta uban sa mga bato ug yuta ug tubig. Iyang gipundok ang mga tubig aron sa pagporma og mga dagat ug dakong kadagatan.
Sa dihang Siya miingon, “Himoa nga adunay uga nga yuta,” kabukiran, kabungturan, ug mga walog mitunga tapad sa mga dagat. Ibabaw sa yuta ug sa tubig, Siya milalang og langit ug mga panganod.
Ang tibuok yuta nahimong tanaman sa Dios. Mga binhi gibutang diha sa yuta aron motubo sa pagkakahoy nga tubigon nga bunga sa kahil, kalibunan nga may serales alang sa mga langgam aron kan-on, ug sagbot aron sa pagtabon sa kabukiran.
Si Jehova milalang sa adlaw aron mohayag sa tibuok adlaw aron ang mga tanom motubo. Siya milalang sa bulan ug mga bitoon aron mohayag sa gabii. Iyang gihimo ang kalibutan nga molibut sa iyang orbit aron adunay mga adlaw, mga panahon, ug mga tuig.
Iyang gilalang ang matag nilalang nga molangoy ug gipuno ang kalangitan og matag langgam nga molupad. Mga lumod mitampisaw. Jellyfish miikid-ikid. Mga itik mibugsay gamit ang mga tiil. Ug mga pelican nga mikapa-kapa.
Si Jehova milalang og mga kangaroo nga mokupot sa ilang mga anak diha sa ilang bulsa-bulsa samtang kini maglukso-lukso ug mga unggoy nga mulabyog gikan sa mga kahoy pinaagi sa ilang mga ikog. Matag bakukang nga nagkamang; matag tiki nga nagkamang; matag linalang nga nagngulob, kusog kaayo nga nagdagan, o nagpangusmo—si Jehova mihimo niining tanan. Ang matag usa gilalang nga makabaton og mga anak nga sama sa ilang mga ginikanan. Sa katapusan ang yuta andam na aron mahimong panimalay sa mga anak sa Langitnong Amahan.
Si Adan ug Eva mao ang unang espiritung mga anak sa Langitnong Amahan nga moanhi sa yuta aron sa pagdawat og lawas. Ang Langitnong Amahan mipanalangin kanila isip bana ug asawa. Si Jehova nakakita nga ang tanang butang nga gilalang maayo kaayo!
Ang Langitnong Amahan misulti kang Adan ug Eva “sumanay ug dumaghan kamo” aron ang ilang mga anak ug ang mga anak sa ilang mga anak mopuyo sa tibuok kayutaan.
Ang matag bag-ong natawo nga bata nakadawat og pisikal nga lawas gikan sa iyang yutan-on nga mga ginikanan ug siya espiritu nga anak sa Langitnong Amahan. Ug ang matag bata nga moanhi sa yuta mapanalanginan sa maanindot nga kalibutan nga gilalang sa Langitnong Amahan ug ni Jehova.
Si Jehova miporma sa planeta nga may yuta, kadagatan, langit, ug mga panganod.
Ang matag bata nga moanhi sa yuta napanalanginan og maanindot nga kalibutan nga gilalang sa Langitnong Amahan ug ni Jehova.
Si Jehova milalang sa adlaw sa pagsanag aron ang mga tanom motubo.
Gikan sa wala: detalye sa Si Kristo ug ang Datu nga Batan-ong Tigmando, pinaagi ni Heinrich Hofmann, sa maayong kabubut-on sa C. Harrison Conroy Co.; litrato sa kalibutan © Corbis; litrato sa mga bakukang © Getty Images; litrato sa mga binhi pinaagi ni John Luke; paghulagway pinaagi ni Sam Lawlor; paghulagway sa litrato pinaagi ni Craig Dimond