Atong Pahina
Kendall A., edad 10, Costa Rica
Sa miaging tuig sa pagsugod nako sa elementarya, nabalaka ko og maayo basin si Mama makalimot sa pagkuha nako inig pamuhi na sa klase. Mihilak gani ko sa pag-abut nako sa eskwelahan. Apan sa wala pa magsugod ang klase, nag-ampo ako ug mihangyo sa Langitnong Amahan sa pagtabang kanako nga dili mohilak ug tabangan si Mama nga mahinumdom sa pagkuha kanako.
Human nako og ampo gibati nako ang kamaayo ug dili na ko kahilakon. Sa dihang oras na sa pagpamauli, akong nakita sa Mama nga naghulat kanako sa atubangang ganghaan. Malipayon kaayo ko nga ang Langitnong Amahan naminaw kanako ug mitubag sa akong pag-ampo.
Yu Ting, edad 7, Taiwan
Yaroslav F., edad 3, gikan sa Ukraine, ganahan sa mga pahina sa mga bata sa Liahona. Gusto niya nga ang iyang mama ug papa mobasa sa mga istorya ngadto kaniya, ug siya naningkamot nga mahisama ni Jesus. Ganahan usab siya nga motabang!
Cairon A., edad 5, Philippines
Addy L., edad 10, gikan sa Kasadpang Malaysia, ganahan sa pagdula og basketball ug badminton uban sa iyang mga higala sa eskwelahan ug simbahan. Iyang girepresentahan ang iyang eskwelahan sa sangka sa badminton niadtong 2008 ug mitabang sa pagdaug sa championship. Ganahan siya nga mamasol ug mouban sa iyang amahan bisan asa moadto. Ganahan siya nga moadto sa zoo ug malingaw sa pagsimba.
Among gigahin ang adlaw uban sa iyaan sa among lola nga si Dionesia ug nakahibalo og dugang kabahin sa among mga katigulangan. Mipakigbahin kami sa among nahibaloan ngadto sa among pamilya ug dayon migamit sa family history Internet site sa Simbahan.
Marcos Elias ug Marcos Emanuel M., edad 10, Argentina