Kabatan-onan

Ang Inyong Patriyarkal nga Panalangin

Si Presidente Monson naghulagway sa patriyarkal nga panalangin isip “personal nga Liahona aron maplano ang inyong padulngan ug moggiya sa inyong agianan.” Busa unsa man kini nga panalangin, ug sa unsang paagi kini makatabang sa paggiya sa inyong kinabuhi?

Unsa ang patriyarkal nga panalangin?

Ang inyong panalangin adunay duha ka mahinungdanon nga katuyoan. Una, kini mopahayag sa inyong kagikan, o kon asa ka sa tribu sa balay ni Israel nasakop. Ikaduha, naglangkob kini og mga impormasyon sa pagtabang og giya kanimo. Ang inyong panalangin siguro maglangkob sa mga saad, mga pahimangno, ug mga pasidaan.

Pila ang akong edad aron ako mahimong modawat sa akong panalangin?

Walay edad nga gitino, apan kamo kinahanglan nga may igong pangidaron sa pagsabut sa sagradong kinaiya sa panalangin. Daghang mga miyembro ang nagsugod sa paghunahuna kabahin sa pagdawat sa ilang panalangin sa sayo nga pangidaron.

Unsaon nako pagdawat sa panalangin?

Una, pakig-istorya sa inyong bishop o branch president. Kon kamo andam ug takus na, kamo makadawat og rekomend. Human niana, kamo makigsabut og eskedyul sa patriarch sa inyong dapit.

Unsay akong buhaton sa akong panalangin?

Tago-i kini sa usa ka luwas nga lugar, ug basaha kini kanunay. Hinumdumi, ang inyong panalangin sagrado ug personal. Mahimo ninyo kining ipaambit sa sakop sa inyong pamilya, apan ayaw kini ipaambit sa kadaghanan. Usab, ang tanang panalangin nga gihisgutan sa inyong patriyarkal nga panalangin gibase sa inyong pagkamatinud-anon ug sa panahon sa Ginoo.