Ang Spotlight sa Templo
Ang Templo sa Bern Switzerland
Niadtong 1906 upat lamang ka templo ang magamit, kining tanan sa Utah. Niana nga tuig si Presidente Joseph F. Smith (1838–1918) nanagna sa Bern, Switzerland, nga “ang panahon moabut … nga ang mga templo sa Dios … pagatukuron sa lain-lain nga mga nasud sa yuta, tungod kay ang ebanghelyo kinahanglan ipakatap sa tibuok kalibutan.”1 Pagkahuman niadto hapit tunga sa siglo, niadtong Septyembre 11, 1955, si Presidente David O. McKay (1873–1970) mipahinungod sa unang templo sa Europe, duol lamang gyud sa Bern.
Ang templo anaa nahimutang sa maanindot nga dapit sa alpine sa Zollikofen. Ang tore niini nagpunting sa langit sa gitas-on nga 140 ka pye (43 m), uban sa estatu-wa ni anghel Moroni nga gidugang niadtong 2005.
Si Presidente McKay klaro kaayo nga nakakita sa templo diha sa panan-awon ug mihulagway niini sa ingon ka hilabihang ka detalye sa architect sa Simbahan nga si Edward O. Anderson nga iya kining nadrowing sa papel. Sa dihang ang proseso sa desinyo gipadayon, ang unang drowing gibag-o. Sa pagtan-aw sa pinaka ulahi nga mga drowing, si Presidente Mckay miingon, “Brother Anderson, kana dili mao ang templo nga nakita natong duha.” Ang katapusan nga mga drowing, dili na kinahanglan nga isulti, haum kini sa orihinal nga paghulagway ni Presidente McKay.
Si Presidente David O. McKay (sa tunga) ug uban pang mga lider sa Simbahan sa pagpahinungod sa Templo sa Bern Switzerland niadtong 1955.