Chile

Niadtong Mayo 1955 ang Argentine Mission midawat sa pagtugot sa Unang Kapangulohan sa pagpadala og mga misyonaryo ngadto sa Chile. Pagkasunod tuig ang mga elder miabut sa ulohang dakbayan, sa Santiago. Si Elder Henry D. Moyle (1889–1963) sa Korum sa Napulog Duha ka mga Apostoles miapil kanila niadtong Hulyo 1956 sa pag-establisar sa unang Chilean branch. Sa wala madugay mga pipila lamang ka buwan, ang unang mga taga-Chile nabunyagan.

Samtang ang gidaghanon sa mga miyembro mitubo, mao usab ang organisasyon sa Simbahan. Niadtong Oktubre 1961 ang Chilean Mission naorganisar, ug niadtong 1983, ang mga taga-Chile napanalanginan og ilang kaugalingon nga templo, gipahinungod didto sa Santiago ni Presidente Gordon B. Hinckley (1910–2008). Sunod sa hilabihan ka daghang mga pagbag-o sa templo, si Presidente Hinckley mipahinungod pag-usab niini niadtong 2006.

Ania ang pipila ka mga kamatuoran kabahin sa Simbahan sa Chile karon:

Mga Miyembro	548,628
Mga Misyon	9
Mga stake	75
Mga District	24
Mga Ward ug mga Branch	612
Mga Templo nga Magamit	1

Usa ka talan-awon sa Santiago, ang ulohang dakbayan sa Chile.

Niadtong 1956 si Elder Henry D. Moyle sa Korum sa Napulog Duha ka mga Apostoles miorganisar sa unang branch sa Chile.

Ang celestial room sa Templo sa Santiago Chile.