Atong Pahina
Ei M., edad 11
Kyle V., edad 6, Philippines
Gustavo S., edad 11, Costa Rica
Ang akong pamilya nagpamiyembro sa Simbahan sa wala pa ako matawo, ug kanunay akong motambong sa simbahan. Ganahan kaayo ko nga mosulod sa Primary tungod kay nakat-on ko gikan sa akong mga magtutudlo ug dayon ipakigbahin unsa ang akong nakat-unan ngadto sa akong mga higala. Usa sa akong paborito nga istorya sa Basahon ni Mormon mao ang pagsangyaw sa ebanghelyo ni Ammon ngadto ni Haring Lamoni. Sa akong hunahuna kana nga istorya kanunay gayud nga anaa sa akong hunahuna ug kasingkasing.
Kon ang panahon moabut alang kanako nga mahimong usa ka misyonaryo, gusto ko nga mahimong usa ka maisug ug mapainubsanon sama kang Ammon. Gustong kong makat-on kabahin sa mga kasulatan ug magbaton og lig-on nga pagpamatuod sama kang Ammon ug sama sa misyonaryo kinsa nagbunyag sa akong mga ginikanan. Mapasalamaton ako sa ebanghelyo, ug gusto ko nga mopakigbahin niini ngadto sa uban aron sila usab masayud nga ang Langitnong Amahan ug si Jesukristo nahigugma kanila.
Kevin S., edad 8, Costa Rica
Yuzaburo I., edad 4, nagpuyo sa Malaysia. Ganahan niyang sunod-sunuron ang uban ug mopakatawa sa mga tawo. Siya nangolekta sa tanang klase sa mga kahon. Siya ganahan nga mopakita og gugma ngadto sa iyang mga higala.
Celine A., edad 9, gikan sa Denmark. Siya adunay duha ka manghud nga mga lalaki. Siya ganahan sa iyang duha ka binuhi nga mga rabbit ug ganahan nga mogahin og panahon uban sa iyang mga ig-agaw. Siya ganahan nga magluto og mga cooky uban sa iyang mama ug manganta sa choir.