Unsa ang kalainan tali sa pagpuasa ug sa dili lamang mokaon?

Ang dili lamang mokaon makapagutom lang kanimo. Ang puasa, nga gihimo uban sa usa ka piho nga katuyoan ug inubanan sa pag-ampo, makapaduol kanimo sa Dios ug mohatag kanimo og mga panalangin ug espirituhanon nga kusog (tan-awa sa Isaias 58:6–11).

Dili sama sa dili lamang mokaon, kon kita magpuasa, gipili nato kini alang sa usa ka piho, espirituhanon nga katuyoan. Mahimo kang magpuasa alang sa tabang sa Ginoo sa pagsabut sa mga baruganan sa ebanghelyo o sa paghimo og personal nga mga desisyon ug mga kasinatian. Mahimo ka usab nga magpuasa alang sa mga panalangin sa uban, sama sa ilang panglawas o aron sila modawat sa ebanghelyo (tan-awa sa Alma 6:6). Gani mahimo kang magpuasa aron ipahayag ang pasalamat ngadto sa atong Langitnong Amahan.

Ang pag-ampo usa ka lain nga elemento nga makahimo sa puasa nga lahi kay sa dili lamang mokaon. Ang puasa kinahanglan nga sugdan ug tapuson pinaagi sa tinud-anay nga pag-ampo, ug sa tibuok nga puasa ikaw makapamalandong ug mag-ampo kon unsa ang tuyo sa imong pagpuasa. Kini mopukos sa imong atensyon kon nganong ikaw nagpuasa kay sa bation nimo kon unsa ka kagutom. “Unya ikaw motawag, ug ang Ginoo motubag; ikaw motu-aw, ug siya magaingon, Ania man ako” (Isaias 58:9).

Kon kita magpuasa, buhaton nato kini alang sa usa ka piho, espirituhanon nga katuyoan.