Fakamoʻoni Makehé

Ko e hā e ngaahi tāpuaki ʻoku tau maʻu ʻo fakafou ʻi he Siasi kuo toe fakafoki maí?

Mei he “Ko e Pōpoaki ʻo Hono Toe Fakafoki Mai ʻo e Ongoongoleleí,” Liahona, Mē 2007, 85–88; “Ko e hā ʻOku Mou Kumí?” Liahona, Mē 2005, 84–87.

Ko e vahevahe ʻe ʻEletā L. Tom Perry ʻo e Kōlomu ʻo e Kau ʻAposetolo ʻe Toko Hongofulu Mā Uá ha ngaahi fakakaukau fekauʻaki mo e tefito ko ʻení.

Kuo toe fakafoki mai ki māmani ʻa hono kakato ʻo e ongoongolelei ʻo Sīsū Kalaisí.

Ko hotau Siasí ʻa e founga ʻoku ʻilo ai ʻe he tangatá mo e fefiné ʻa hotau Fakamoʻuí mo ʻEne ongoongoleleí.

Ko Siosefa Sāmitá ko e palōfita ia ʻa e ʻOtuá pea ko ia naʻá ne fakafoki mai ʻa e ngaahi meʻa mahuʻinga kotoa pē ki hono langa hake ʻo e puleʻanga ʻo e ʻOtuá pea mo e teuteu ki he Hāʻele ʻAngaua Maiʻa hotau ʻEiki ko Sīsū Kalaisí.

Kuo toe fakafoki mai ki he tangatá e ngaahi kī ʻo e lakanga fakataulaʻeikí, fakataha mo e mālohi ke silaʻi ʻi he māmaní pea ʻi he langí.

ʻOku tau maʻu ʻa e ngaahi ouau fakahaofi kotoa ʻoku fie maʻu ke tau toe foki ai ki he Fakamoʻuí ʻi Hono Siasi kuo toe fakafoki maí.

Ngaahi tā fakatātā ʻa Adam Koford