Fanga Kiʻi Meʻa Iiki & Faingofua
“ʻOku tupu mei he ngaahi meʻa īkí ʻa e ngaahi fuʻu meʻa lalahí” (T&F 64:33 ).
Ne maʻu mo akoʻi ʻe he kau faifekaú ʻeku kui ua tangatá ʻi Haʻamoa. ʻI he kau ʻeku kuí ki he Siasí, naʻe pau ke ne siʻaki ha niʻihi ʻo e ngaahi tui mo e ngaahi tukufakaholo fakalotu ʻo hono kakaí. ʻOku laukau ʻaki ʻe homau fāmilí homau tala tukufakaholo faka-Haʻamoá, kae tupu mei he faʻifaʻitakiʻanga ʻa ʻeku kuí, ne mau ʻiloʻi ai ʻe muʻomuʻa pē ʻa e ongoongoleleí.
ʻI heʻeku kei talavoú, ne talanoa mai ʻeku tamaí ʻo kau ki he tā-tatau fakahaʻa angamahení pea mo e ngaahi meʻakai manakoa ko ia ʻe ʻikai fenāpasi mo e ngaahi akonaki ʻa e Siasí. Naʻe pehē mai ʻe he tangataʻeikí, “ʻOua naʻá ke kau ʻi ha taha ʻo e ngaahi meʻa ko iá. ʻOku muʻomuʻa ange hoʻo hoko ko e fānau ʻa e ʻOtuá ʻi hoʻo hoko ko e tokotaha Haʻamoá, muʻomuʻa ia ʻi hoʻo hoko ko ha tokotaha lahi mo toʻa mei he ʻotu motú.” Kuó u manatuʻi maʻu pē ia.
ʻOku ou nofo mo hoku uaifí ʻi Kositā Lika he ʻahó ni. ʻOku ʻi ai ʻa e ngaahi tala tukufakaholo mo e ngaahi ʻulungāanga fakafonua ʻi heni, ʻo tatau mo ha toe feituʻu pē, ʻoku ʻikai fenāpasi mo e meʻa ʻoku akoʻi ʻe he Siasí. ʻOku ʻi ai e taimi ʻe fie maʻu ke tau loto toʻa ai ke tukuange ʻa e ngaahi meʻa ko ʻení ka tau fai ki he ngaahi akonaki ʻo e ongoongolelei ʻo Sīsū Kalaisí.
Morgan Sa Mataalii, Kositā Lika
Toʻohemá: tā ʻo e Senitā BYU Selusalemá naʻe fai ʻe D. Kelly Ogden; tā ʻo e tokotokó naʻe fai ʻe John Luke; tā ʻo e Fakalāngilangi Pulu Silivá naʻe fai ʻe Christina Smith