Tohi ki he ʻĒtitá
Loto Toʻa ke Toe Mālohi Ange
ʻOku ou fakakaukauloto fakaʻaho ki ha akonaki mo e faleʻi ʻoku ou maʻu ʻi he Liahoná. ʻOku tokoni ia ʻi he ngaahi fili ʻoku ou fai fakaʻahó, peá u ʻilo ʻoku toe lahi ange ai ʻeku tukupā ke moʻui ʻaki ʻa e ongoongoleleí. ʻOku ʻomi ʻe he makasiní ha loto toʻa kiate au ke u toe mālohi ange.
Leimoni Kulisitofā Hipolito Vilaluna, Filipaini
Fakaleleiʻi e Ngaahi Palopalema ʻOku Taʻemalava ke Vetekí
ʻOku fakamālohia au ʻe he ngaahi pōpoaki ʻi he Liahoná . ʻI he taimi ʻoku fie maʻu ke u fai ai ha ngaahi fili ʻoku hangehangē ka ʻikai malavá, ʻoku ou toe lau e ngaahi pōpoakí peá u maʻu ʻa e founga totonú. Kātaki ʻo ʻoua naʻa teitei tuku hono fakakau ai e Pōpoaki ʻa e Kau Palesitenisī ʻUluakí mo e Ngaahi Leʻo ʻo e Kau Māʻoniʻoni ʻi he Ngaahi ʻAho Kimui Ní.
ʻEvelingi Fōsoni, Kana
Ko e Moʻoní ʻEni
Kuo hoko e Liahoná ko ha fakahinohino ki heʻeku moʻuí talu ʻeku kau ki he Siasí he taʻu ʻe 15 kuo hilí, pea ʻi heʻeku lau mei hono ngaahi pēsí, ʻoku ueʻi mālohi au ʻe he Laumālié. Ko hoku hūfangaʻangá ia ʻi he taimi ʻo e mamahí. ʻI heʻeku lau e ngaahi talanoa ki he Kāingalotu ʻi he māmaní mo e ngaahi lea ʻa e Kau Taki Māʻolungá, ʻoku ou ongoʻi ʻa e fiemālie, melino, mo hano fakamoʻoniʻi mai ko e moʻoní ʻeni.
Filipe ʻĒpina, Kositā Lika