ʻI he Siasí Fakakātoa

Ueʻi ʻe he Tuí mo e Fāmilí e Kakai Niu Kaletōniá ke Nau ʻAʻahi ki he Temipalé

Naʻe ʻalu ha kāingalotu ʻo e Siasí mei Niu Kaletōnia ʻe toko 147 ʻi Sānuali ki Hamilitoni, Nuʻu Sila.

Ko e fuofua taimi ʻeni ki hanau tokolahi ke nau lotu ai ʻi ha Temipale ʻo e Siasí. Ki ha niʻihi ko ha meʻa pē ia ʻoku nau fakahoko fakataʻu.

Naʻe pehē ʻe Siaosi Kuiti, ko ha mēmipa ʻo e kulupú, “ʻOku ʻikai ke ʻi ai hamau temipale ʻi Niu Kaletōnia, pea ʻoku omi e tokolahi taha ʻo e kāingalotú mei he ngaahi fāmili loto-fakatōkilalo. ʻOku ngāue e mātuʻá ʻi he taʻu kakato ke tānaki ha paʻanga ki he folau ko ʻení.” ʻOku tuʻu e temipalé ʻi ha maile ʻe 1,000 tupu (km ʻe 1,600) mei he ngaahi ʻapi ʻo e kāingalotú ni.

Naʻá ne pehē ko e ʻuhinga ʻo ʻenau fie ō ki Nuʻu Silá he ʻoku fakamālohia ʻenau tui kia Sīsū Kalaisí mo fakatahaʻi honau ngaahi fāmilí ʻe he ngaahi meʻa ʻoku nau aʻusia aí.

Ne pehē foki ʻe Sēlati Mou-Temi, palesiteni fakavahefonua ʻi Niu Kaletōniá ko e “ō ki he temipalé ko ha faingamālie ia ki he tokolahi ke fakatupulaki ai ʻenau tuí mo nau toe ofi ange ki he ʻOtuá.”