Siamane

Neongo naʻe kamata e ngāue fakafaifekaú ʻi Siamane ʻi he ngaahi taʻu ʻo e 1840, ka naʻe toki papitaiso e ongo fuofua papi ului aí ʻi he 1851. ʻI he taʻu tatau pē naʻe ʻalu ai ʻa Palesiteni Sione Teila, heʻene kei ʻi he Kōlomu ʻo e Kau ʻAposetolo ʻe Toko Hongofulu Mā Uá, ki Hemipeeki ke tokoni ʻi hono tokangaʻi e liliu ʻo e Tohi ʻa Molomoná ki he lea faka-Siamané. Naʻe fokotuʻu ha kolo ʻi Hemipeeki ʻi he 1852, ka ne hiki ki ʻIutā ʻa e tokolahi ʻo e kau fuofua papi uluí koeʻuhi ko e fakatangá. Naʻe kau ai ʻa Kā G. Meisa, ʻa ē ne hoko kimui ko e palesiteni ʻo e ʻUnivēsiti Pilikihami ʻIongí ʻi Polovo, ʻi ʻIutā.

Naʻe tokolahi e papi ului ki he Siasí ʻi Siamane hili ʻa e ʻUluaki Tau Lahi ʻa Māmaní, ʻo tautefito ia mei he 1921 ki he 1925. Ne vahe ua e Misiona Siamané ʻo hoko ko e Misiona Siamane ʻAosituliá mo e Misiona Suisalani-Siamané. Naʻe fokotuʻu e Misiona Siamane Hahaké ʻi he 1937. Naʻe ʻave e kau faifekaú mei Siamane lolotonga e Tau Lahi Hono II ʻa Māmaní. ʻI heʻenau foki ʻi he 1947, kuo ʻosi vahe ua e fonuá ia ʻo hoko ko Siamane Hahake mo Siamane Hihifo. Neongo iá, ne kei hokohoko atu pē ʻa e ngāue fakafaifekaú, pea ʻi he ʻaho 19 ʻo Sune 1985, naʻe fakatapui ai ʻa e Temipale Falaipeeki Siamané ʻi Siamane Hahake—ko e fuofua temipale ia ʻi ha fonua kominiusi. Hili mei ai ha taʻu ʻe ua ne toe fakatapui ha temipale ʻe taha ʻi Felengifeeti, ʻi Siamane Hihifo. Naʻe fakatahaʻi e fonuá ʻi he 1990.

Ko e Siasí ʻi Siamane
Kāingalotú	38,204
Ngaahi Misioná	3
Ngaahi Siteikí	14
Ngaahi Uōtí mo e Ngaahi Koló	173
Ngaahi temipalé	2

ʻI ʻolungá: Ko ha ʻata ʻo Miuniki, ʻi Siamane. ʻI laló: Ko e Temipale Felengifeeti Siamané, naʻe fakatapui ʻi he 1987.

Ko e Temipale Falaipeeki Siamané, fakatapui ʻi he 1985.

Naʻe hiki mai ʻa Kā G. Meisa mei Siamane ʻa ia naʻe tupu hake aí ki ʻIutā ʻo ne tūʻuta ki ai he 1860.

Siamane

Falaipeeki

Felengifeeti

Pealini