Tohi ʻa e Kau Palesitenisī ʻUluakí, Sune 2011

1 Sune, 2011

Siʻi ngaahi tokoua mo e tuofāfine:

ʻOku fakaʻilongaʻi he taʻú ni ʻa e taʻu ʻe 75 hono kamata ʻo e polokalama uelofea ʻa e Siasí. ʻE fakafeʻiloaki atu ʻe he ngaahi peesi hoko maí ha niʻihi ʻo e hisitōliá mo e founga naʻe kamata ai ʻa e polokalamá. Te nau fakataukeiʻi foki kimoutolu ‘i he ngaahi ngāue uelofea fakavahaʻapuleʻanga ʻa e Siasí pea fakaʻaliʻali atu e ngāue ʻa e ngaahi tefitoʻi moʻoni ʻo e uelofeá ʻi he moʻui ʻa e kāingalotu ʻo e Siasí ʻi he funga ‘o e māmaní.

ʻOku hoko foki hono fakamanatua ko ʻení ko ha fakaafe ia mo ha fakamanatu kiate kitautolu hono kotoa ke tau moʻui fakafalala ange kiate kitautolu pē pea ke tau muimui ʻi he Fakamoʻuí ʻi hono tokoniʻi ʻo e kakaí ke nau tokoniʻi pē kinautolú.

ʻOku mau fakaafeʻi kimoutolu mo homou fāmilí ke mou fakakaukauʻi ʻi he faʻa lotu pea ngāue ʻaki e ngaahi tefitoʻi moʻoni fakauelofeá mo e moʻui fakafalala pē kiate kitá lolotonga hoʻomou toe vakaiʻi ʻa e konga makehe ko ʻení.

Fakaʻapaʻapa atu,

Ko e Kau Palesitenisī ʻUluakí