2011
Ngaahi Manatu ki he Kau Palesiteni ʻo e Siasí
Sune 2011

Ngaahi Manatu ki he Kau Palesiteni ʻo e Siasí

Fakatauhoa e meʻa takitaha ʻi laló ki he Palesiteni ʻo e Siasí ʻoku fekauʻaki mo iá.

  1. Matasioʻata laʻā. Naʻe tui ʻe he Palesiteni ko ʻeni ʻo e Siasí ʻi heʻene fononga ʻo ʻaʻahi ki he ngaahi feituʻu kotoa naʻe nofoʻi ʻi ʻIutaá.

  2. Tatā. ʻOku fakahā ʻe he meʻa ko ʻení ʻa hono ʻiloa ʻo e palōfitá ni ʻi hono fōtungá mo ʻene ʻulungāanga leleí.

  3. Mētali ʻo e Ngāue Tuʻukimuʻá. Naʻe maʻu ʻe he Palesiteni ko ʻeni ʻo e Siasí ʻa e fakalāngilangí ni mei heʻene ngāue ko e Sekelitali ki he Ngoué ʻi he kapineti ʻa e palesiteni ʻo ʻAmeliká ko palesiteni Tuaiti E. ʻAisenihauá.

  4. Fakaʻilonga ʻo e ngāue fakauelofeá. Naʻe kamata mo taki ʻe he Palesiteni ko ʻení ʻi he polokalama uelofea ʻa e Siasí lolotonga e taimi Tō Lalo ʻo e Tuʻunga Fakapaʻangá.

  5. Nofoʻa. Naʻe ʻofa ʻa e palōfitá ni ʻi heʻene hoosi naʻe ui ko Sani Poí.

  6. Tohinoa. Naʻe moʻui ʻaki ʻe he palōfitá ni ʻa hono fakatolonga mai ʻo e hisitōlia ʻo e Siasí, pea ʻoku kau e ngaahi lekooti naʻá ne hikí ʻi he ngaahi hisitōlia mahuʻinga taha ʻo e Siasí.

  7. Tā ʻo e Senitā BYU Selusalemá. Naʻe aleaʻi ʻe he Palesiteni ko ʻeni ʻo e Siasí ke maʻu ha kelekele ʻi Selusalema ke langa ai e senitaá.

  8. Kiʻi maika siʻisiʻi. Naʻe fakaʻaongaʻi ʻe he Palesiteni ko ʻení ʻa e meʻangāué ni ʻa ia naʻe fakapipiki ki hono matasioʻatá, he naʻe uesia hono leʻó ʻe he ngaahi tafa lahi naʻe fai ki hono kiá naʻe moʻua he kanisaá.

  9. Tokotoko. Naʻe fakaʻaongaʻi ʻe he Palesiteni ko ʻení ha tokotoko ʻi he ngaahi taʻu kimui ʻo ʻene moʻuí, peá ne taʻataʻalo ʻaki ki he Kāingalotú ʻi he loto-ʻofa ʻi heʻenau feʻiloakí.

  10. Laʻipepa vahehongofulu. Naʻe fakamamafaʻi ʻe he Palesiteni ko ʻení ʻa e ngaahi akonaki ʻa Siosefa Sāmita kau ki he vahehongofulú.

  11. Fiddler on the Roof ʻOku manako e Palesiteni ko ʻení ʻi he ngaahi tohi kuo pulusí pea kuó ne lea tuʻo lahi ʻo kau ki he talanoá ni.

  12. Mīsini taipe. Naʻe hoko e Palesiteni ko ʻení ko e taha ʻo e kau faʻu tohi lahi tahá.

  13. Heletā. Naʻe hoko e Palesiteni ko ʻeni ʻo e Siasí ko ha komanitā ʻo e Konga Kau ʻa Nāvuú.

  14. Kahoa matalaʻiʻakau. Naʻe ʻalu e palōfitá ni ki Hauaiʻi ʻi hono taʻu 15 ko e taha ʻo e kau fuofua faifekau ki ai ʻa e Siasí.

  15. Uasi ke faʻo he kato ʻo e koté. Naʻe tui ʻeni ʻe he palōfitá ni ʻi he ʻaho naʻe fakapoongi ai ia ʻi he Fale Fakapōpula ko Kātesí.

  16. Fakalāngilangi ʻo e Pulu Siliva ʻa e Sikautí. Ko e Palesiteni ko ʻení ʻa e fuofua tokotaha ke ne ʻunuaki ʻa e Sikautí ʻi he Siasí.

  1. Siosefa Sāmita, ko e Siʻí (1805–44)

  2. Pilikihami ʻIongi (1801–77)

  3. Sione Teila (1808–87)

  4. Uilifooti Utalafi (1807–98)

  5. Lōlenisou Sinou (1814–1901)

  6. Siosefa F. Sāmita (1838–1918)

  7. Hiipa J. Kalānite (1856–1945)

  8. Siaosi ʻAlipate Sāmita (1870–1951)

  9. Tēvita O. Makei (1873–1970)

  10. Siosefa Filitingi Sāmita (1876–1972)

  11. Hāloti B. Lī (1899–1973)

  12. Sipenisā W. Kimipolo (1895–1985)

  13. ʻEselā Tafu Penisoni (1899–1994)

  14. Hauati W. Hanitā (1899–1994)

  15. Kōtoni B. Hingikelī (1910–2008)

  16. Tōmasi S. Monisoni (1927–)