South Korea

Ang unang gawaing misyonero sa Korea ay nagsimula noong Korean War sa unang bahagi ng mga 1950s, ngunit si Kim Ho Jik, isa sa mga unang Korean na naging miyembro, ay nabinyagan sa Estados Unidos. Si Kim ay nag-aaral noon para sa kanyang doctorate degree nang sumapi siya sa Simbahan sa Pennsylvania noong 1951. Kabilang ang dalawa sa kanyang mga anak sa unang apat na taong nabinyagan sa Korea, noong Agosto 3, 1952. Si Brother Kim ay naging lider sa pamahalaan ng Korea kalaunan at malaki ang naging impluwensya niya sa pagtulong sa mga misyonero na makapasok sa South Korea.

Noong 1962, binuo ang Korean Mission, at ang Aklat ni Mormon ay nailimbag sa wikang Korean noong 1967. Ang unang stake sa South Korea, na siya ring unang stake sa lupain ng Asia, ay inorganisa sa Seoul noong Marso 8, 1973. Ang Seoul Korea Temple, na unang templo sa lupain ng Asia, ay inilaan noong 1985.

Noong 2001 si Elder Dallin H. Oaks ng Korum ng Labindalawang Apostol ay nagbigay ng kopya ng “Ang Mag-anak: Isang Pagpapahayag sa Mundo” sa prime minister ng South Korea na si Lee Han-Dong.

Ang Simbahan sa South Korea
Bilang ng mga Miyembro	81,251
Mga Mission	3
Mga Stake	17
Mga ward at branch	142
Mga Templo	1

Kaliwa: si Kim Ho Jik (kanan) kasama si Elder Harold B. Lee (gitna) ng Korum ng Labindalawang Apostol, na dumalaw noon sa Korea. Itaas: Ang Seoul Korea Temple, inilaan noong 1985.

Kaliwang itaas: larawan sa kagandahang-loob ng Church History Museum; retrato ng Seoul Korea Temple na kuha ni William Floyd Holdman; larawan ng mapa © iStock