Mga Mungkahi sa Tuluy-tuloy na Pag-aaral

• Magbasa ng magandang aklat.

• Pumili ng libangan na noon pa man ay gusto mo nang subukan.

• Dumalo sa makabuluhang mga pagtatanghal ukol sa kultura.

• Pag-aralan ang ibinigay na mensahe sa pangkalahatang kumperensya o kabanata sa manwal na Mga Alituntunin ng Ebanghelyo para sa mga aralin sa Linggo.

• Bisitahin ang mga museo at makasaysayang lugar.

• Pagmasdan ang mundo sa iyong paligid: maglakad-lakad sa inyong kapitbahayan, masdan ang mga bituin, masdan ang mga hayop sa inyong lugar.

• Gawin ang gawain sa family history.

• Mag-aral ng bagong kasanayan o kaya’y isport.

• Bisitahin ang aklatan upang saliksikin ang isang nagugustuhang paksa.

Para sa karagdagang impormasyon tungkol sa paksang ito, tingnan sa Tapat sa Pananampalataya (2004), “Edukasyon,” 23–25.

Edukasyon: Dinaragdagan ang Ating Kakayahang Maglingkod

“Ang Panginoon at ang Kanyang Simbahan ay palaging hinihikayat ang mga tao na mag-aral upang dagdagan ang ating kakayahan na maglingkod sa Kanya at sa mga anak ng ating Ama sa Langit. Para sa bawat isa sa atin, anuman ang ating mga talento, may nakalaan Siyang paglilingkod na dapat nating ibigay. At upang maisagawa ito nang mabuti palaging kailangan ang pag-aaral, hindi lamang minsan o sa limitadong panahon, kundi patuloy na gawin ito.”

Pangulong Henry B. Eyring, Unang Tagapayo sa Unang Panguluhan, “Education for Real Life,” Ensign, Okt. 2002, 17.

Paglalarawan ni Robert Casey