E Motiki ana Kabaebae n te Mate
“E na reke irouia te maiu are akea tokina mairoun Kristo, are e a tia ni motika ana kabaebae te mate” (Motiaea 15:23).
Teuana te tairiki ngke natira a bon uarereke riki, ti bon karaoa ara tai n utu ibukin te boki ae tabu. Ti wareka taekan te Tia Kamaiu ao ni maroakina bwa e kanga n aki karaoi buure.
Rimwi riki n te tairiki anne kaainabau e a kawenea natira te aine ae teniua ana ririki, Susie, inanon te kainiwene. Susie e tararake nakon tinana ao n taku, “Tinau, Iesu e karaoa te kaairua.”
“Tera ae ko nanonna?” e titiraki tinana.
“E urua te bwai teuana,” e taku Susie.
N te aro ae e aki oota, tinana e titiraki, “Tera Ae E Urua?”
“Iesu e motikii ana kabaebae te mate,” e kaeka Susie.
Kaainabau e a ataia are ngaia ao Susie a tia n anenea kunan te Buramwari “On a Golden Springtime” n te tai ae e bati, ao Susie e a tia n reireinna taeka aikai “N tain te tiburing ae tikiraoi, Iesu Kristo e uti ao ni kitana te ruanimate are E a tia ni wene iai; ana kabaebae te mate E motikia.”1 Tinan Susie e kabwarabwaraa bwa motikakin ana kabaebae te mate nanona bwa Iesu e a manga kautaki man te mate bwa ti aonga ni maiu riki ni kabane imwiin matera.
Te taetae anne e a tia n angan kaainabau ao ngai te tai ae bati ae tamaroa n reireiniia natira aine, Lizzie, Susie, ao Emma, bwa terana nanon raoi te Mwakuri ni Kamaiu ibukira ngaira n tatabemaniira nako. Susie e bon eti: Iesu e bon motika ana kabaebae te mate. Ma tiaki te kaairua. Bon te kabanea ni bwaintituaraoi ae kakannato are E kona n anganiira! Taraa Doctrine ao Covenants 14:7.
Te Tia Kamaiu e mate ao e a mangauti man te mate bwa ti aonga ni manga maiu riki ma Tamara are i Karawa ao ara utu n aron tamaroara. Ngkana ti tau, ti kona ni kukurei man ana kakabwaia te aki mamate ao te maiu ae akea tokina n te bong teuana. I kakaaitau bwa Iesu e a tia n urua te bwai teuana—ana kabaebae te mate!
Atai: kamatataaki iroun Dilleen Marsh