Rongorongon Tembora

Karaoaki te Katabu ibukin Quetazaltenango Guatemala Tembora

Te Quetzaltenango Guatemala Tembora e katabuaki n te Taabati, Ritembwa 11, 2011, inanon teniua te tietion iroun Beretitenti Dieter F. Uchtdorf, Kauoman ni Kauntira n te Moan Beretitentii. Te tietion ni katabu e karaoaki n te kanakobwana nakon bootaki n taromauri n te Ekaretia ni mwakoron te tembora.

“Ai tikiraoira te tembora, e taku Beretitenti Uchtdorf n te bootaki ni bukamaru ake a kamataku iai kairake ma botaki n te aono n te mwaie, anene, ao ni katangainaan rongorongon aia tabo ma te katei. “E ota n takiakia n aron baika a kakaawaki, ao bon baika a kakaawaki n te aono n te aba aei.

Te Quetzaltenango Guatemala Tembora bon te ka136 n tembora n te Ekaretia n te aonaaba ao te kanimaua i Central America. Te tembora aei e na tabe ibukiia e kaniia 60,000 aika Itiaki ni Boong Aika Kaitira.

Te Ekaretia e Katabwena Aontano ibukin te Ka-Itibwi n Tembora i Brazil

N 15 n Nobembwa, 2011, Unimwaane David A. Bednar man te Kooram n Abotoro are Tengaun ma Uoman e kabwarabwara n te bukamaru ni katabwenaan aontano ibukin te Fortaleza Brazil Tembora, ana ka-itibwi n tembora te Ekaretia i Brazil.

“Te tembora aei e na riki bwa boton te kantaninga, ota, ao onimakinan te Atua irouia ni kabane ake a roko ao a nakonako ikai ao n te marae aei,” e taku Unimwaane Bednar. “Te kaawa e na tamaroa n tainako man okoro ibukina ngkai e kateaki te tembora ikai.”

Te tembora e na kateaki i Avenida Santos Dumont i Fortaleza, Ceará, Brazil. Beretitenti Thomas S. Monson e katanoata katean te Fortaleza Brazil Tembora n tain te maungatabu ni kabuta n Okitobwa 2009.

Te Quetzaltenango Guatemala Tembora, katabuaki n Ritembwa 11, 2011, iroun Beretitenti Dieter F. Uchtdorf, bon te 136 n tembora.

ANGANANO