2 Timoteo 3:16–17

Te Abotoro Bwauro e anga reirei bwa a kangaa booki aika tabu ni kakabwaiai maiura.

16 Ni kabane koroboki aika a tabu ti anganaki man ana kairi te Atua, ao e manena nakon reirei, ibukin manga kakoauaana, ibukin kaetakina, ibukin reiakinan te kororaoi:

17 Bwa e aonga ni moan te raoiroi ana aomata te Atua, ao e na kataeaki nangina nakoni mwakuri aika raraoi ni kabane.

Ni kabane Booki aika tabu

“Ngkana ti tangiria n taetae nakon te Atua, ti tataro. Ao ngkana ti tangiria bwa e na taetae nakoira, ti kakaae ni booki aika tabu; bwa Ana taeka a taekinaki irouia Ana burabeti. E na reireiniira ngkanne ngkai ti kakaauongo nakon ana wirikiriki te Tamnei ae Raoiroi.

“Ngkana ko tuai n ongo Bwanaana n taetae nakoim n te tai ae e aki rangi ni maan, oki rikaaki ao warekii booki aika tabu riki. Ngaia ake a buokiira ni kamaiu tamneira.”

Unimwaane Robert D. Hales man te Kooram n Abotoro n te Tengaun ma Uoman, “Holy Scriptures: The Power of God unto Our Salvation,” Riaona, Nobembwa 2006, 26–27.

Reirei

“Reirei aika koaua, e atatai, e bitii anua ma katei. Kamatebwaian reirein te euangkerio e na kawaekoa ni katamaroa te katei nakon are kamatebwaian taian katei e na katamaroa te katei.”

Beretitenti Boyd K. Packer, Beretitenti n te Kooram n Abotoro n te Tengaun ma Uoman, “Do Not Fear,” Liahona, Meei 2004, 79.

Kakoauaana

Kakoauaana—boaki, kataere n reirei, taeka aika rawaawata, ke kaetakina, n te aro ae nimamannei.

Kaetakina

Te moan taeka n Erene are e kamanenaaki n te Baibara e nanona raoi “ni kaetiia riki.” Aingaia are booki aika tabu a buokiko ni kawakiniko n te rain ao n iira te kawai ae eti ao man irariki (taraa 2 Nibwaai 9:41).

Karekei bwaai

Karekei bwaai—katauraoaki, karekea.

Mwakuri Aika Raraoi

Aekakira mwakuri aika a tamaroa are booki aika tabu a katauraoiko bwa ko na karaoi? Aikai tabeua mai buakoia aika a rangi n ataaki. Ko kona n iangoia riki? Koreia inanon am tienoro.

Ni mwakuri bwa te mitinare ae bwanin ana tai
Kakoroi bukin ana wewete te Ekaretia (n aron te beretitentii n te kooram ao te kiraati)
Reiakinan te Euangkerio
Te Kaoti Koaua
Tibwauaan te Euangkerio
Kaekaakin aia titiraki raraom ibukin te Ekaretia