Unimwane Christofferson ao Unimwaane Jensen A Reireiniia Membwa i Argentina

N te Kaonobong, Nobembwa 12, 2011, Unimwaane D. Todd Christofferson man te Kooram n Abotoro are Tengaun ma Uoman ao Unimwane Jay E. Jensen man te Beretitentii n te Itingaun e taetae nakoia te roronrikirake, ikawai ake a tuai iein, taan kairiiri n te nakoanibonga, mitinare, ao membwa i Salta, Argentina.

Ake a roko naba bon Unimwaane Mervyn B. Arnold, Beretitenti mai South America South Area; ma buuna, Devonna; ao Unimwaane Ruben Spitale, Itingaun n te Aono. Buun Unimwaane Christofferson, Kathy, ao buun Unimwaane Jensen, Lona, e iri naba.

E kaniia 1,300 te roronrikirake ao kaaro ake a ira te maroro n te kauraai are e taetae iai Unimwaane Christofferson ao Unimwaane Jensen. Manga 10, 000 membwa inanon 70 te titeiki tienta ni kabuta Argentina ake a mataku n te kanakobwana.

Unimwaane Jense, are e a tia ngkoa n riki bwa te Beretitenti n te Aono ae South America, e taku, “ngkana ko aki uringa te bwai are I a tia n taekinna, I tangiria bwa ko na uringa te mwakoro n taeka mai iroun te burabeti, Beretitenti Thomas S. Monson, are I taekinna bwa bon ngaia ana burabeti ni koaua te Atua. Aio te kibuntaka: ‘Babaire e karekea tokin kawaim’.”

Iai iroura te inaomata n rinerine—te konabwai ao te tibwanga ni kona ni babaire—e taku Unimwaane Jensen, ao man babaire akanne a bairea tokin kawaira.

E karakina rongorongon raraona are e rineia n te tairiki teuana bwa e na manging ao ni kabuti kaa ao e karekea te kabuanibwai are a mate iai uoman aomata. E kabotaua ma rongorongona n ana rinerine ma kainnabana ni kawaeremwea aia a mare bwa e aonga ni mitinare ngke te kairake.

“N [okiu] ti mareai n te tembora. Ti karaoi berita aika a tabu, ake ti manga kabouii ni katoa wiiki inanon maiura. Ti karaoi babaire aika a na karokoira n tokin kawaira,” e taku.

E rimwiina Titita Christofferson, n tibwa ana koaua iaon kakabwaia ni kawakinan berita aika a tabu, ao e kainiin Unimwaane Christofferson ni kaina te marooro.

“Ti te bwai ae ko rangi ni kainnanoia bon te tangira ao te onimaki,” e taku Unimwaane Christofferson. “Bon te onimaki are e buokiira inanon mareakira, utu, nakoara, [ao] n ara mwakuri.”

E katuruturua bwa tua a anga te kairiiri inanon maiura ao ni buokiira ni karekeia bwaai aika a rangi ni kakaawaki.

Imwiina ao e reirei nakoia te roronrikirake ao aia karo ni karaoi kabaeakiia n irii reirei ake a kuneaki n aia boki ae uarereke Ibukin Kakorakorakiia Kairake

“Aio e na rangi ni kakorakoraia ami ataei, ngkana a bon tiku naba ibon irouia—n ataakin are aia karo a irii nanon reirei aikai,” e taku.

Unimwaane Christofferson e kainiin ni kaota ana tangira nakoia membwa i Argentina, n te tabo are e karaoa iai ana mitinare e kaniia nimabwi te ririki n nako.

N rokoia i Salta, Unimwaane Christofferson ao Unimwaane Jensen a kaitibo naba ma mitinare ni kaawa ao kairake ao ikawai ake a tuai n iein, are a karokoi nakoia aia tangira Taari.

Ni kauoman Unimwaane Christofferson ao Unimwaane Jensen a reirei nakoia mitinare mai Argentina Resistencia Mission ni moan Nobembwa 2011.

Tamnei iroun James Dalrymple