Teraana ae ko kona n iangoa bwa te kabanea ni kakaawaki are e kona ni karekea ataein te reirei man te tieminari ao te intitute?
Teraana ae ko kona n atongnga bwa te kabanea ni kakaawaki are e konaa ni karekea ataein te reirei man te tieminari ao te intitute? Ngke te kurubu n ataei man te tieminari a titirakina te Kamitina n ana Bootaki n Reirei te Aro, Unimwaane Paul V. Johnson man te Itingaun, te titiraki ae tii te arona aio, e kaeka bwa te kabanea ni bwai ae kakaawaki are ko kona ni karekea bon “te kakoaua raoi bwa Iesu bon te Kristo. Te atatai bwa te koaua raoi n te rabakau bon te rabakau n te maiu n tamnei. Bon te bwai are e roko man te Tamnei are Raoiroi nakon tamneira n tatabemaniira nako. Anne bon te kabanea ni koaua ae korakora, te kabanea ni bwai ae korakora are e kona n reke man te tieminari ao te intitute. E aki tii bita are ko ataia; e bita ae antai ngkoe, ao e bita aron taraakin te aonaaba iroum. Ao te aekaki n reirei ae rietaata riki anne e buokiko ni kabwanina am reirei ake tabeua” (“A Higher Education,” New Era, Eberi 2009, 15).
Unimwaane Johnson bon temanna mai ibuakoia Mataniwi ni Kabuta aika bati ake a tia n taetae ibukin kakabwaia aika a kamimii ake a riki man irakin te tieminari ao te intitute. Mangaia are ngkana ko miakinna ibukin tera bwa a riai n iira te tieminari, aikai riki bukina aika tamaroa mairouia burabeti ao abotoro.
Tamnein Spencer W. Kimball ana anganano te LDS Church Archives