Tai Kurati
Totokoi kaangaanga aika buubura aika a na riki rimwi man katokakin kaangaanga aika uarereke ngkai.
Andrei e a tia n tatangirii wanikiba ma ngke e uarereke. Ma e ngae ngke a rawata aika a miia te kibakiba, ma Andrei e aki iangoa te kiba n te wanikiba; e mena nanona ni kabaakin te wanikiba. Te 16-n ririki aio mai Romania e bon kamatebwaia bwa e na riki bwa te mwakaeneke n te wanikiba.
I Romania aomata ake tebwi tabun aia ririki a kona n rineia n iira te reirei ae rietaata n ni katauraoia ibukin te college ke te reirei ibukin karekean te mwakuri. Ibukin ana tangira Andrei ibukin wanikiba, ana babaire n iira te reirei ni kareke beeba ibukin karaoan te wanikiba ao kakibaana e bon beebete.
Taan mwakaeneke n te wanikiba a aki tii karaoi wanikiba aika uruaki. Teuana mai buakon te bwai ae rangi ni kakaawaki ae a karaoia bon tuoakin ao ni kateimatoai wanikiba bwa a na aki uruaki. A aki toki n taainako n tuoi bwaai ni kabane i aon te wanikiba, man taian burobera nakon waena n tiku ao bwaina nako imarenana.
“E kona ni kaangaanga ni kunea te kangaanga ae uarereke are e na kona ni karekea kuratin te wanikiba,” e taku Andrei. “Ma kakaaeana e beebete riki nakon are kona kataia ni kaoka riki rabwatan te wanikiba ni kabane.”
Kaawakinan tain karaoakina ni katoa tai ao n rawa ni katikua e bon kakaawaki—n ikotaki ibukin te wanikiba ao ibukiia kaain te Ekaretia—n te aro bwa ko na kona ni katea ao ni kaeti kaangaanga imwaain ae a riki bwa tao kaangaanga aika a na rooti maiura n te tamnei ke n te intin.
Kateimatoaan te Maiu n Tamnei
Andrei e maeka i Bucharest, te kaawa ae buubura ma kaaina ae e kaan uoua te mirion. E ngae n anne, te Ekaretia e bon taraa n ae boou i Romania, ao e bon tau kaaina i Bucharest ibukin uoua te mwaanga. Andrei ao ana utu a maeka n raroa ma membwa ake tabeman n aia mwaanga. Andrei e namakina ana katikitiki te aonaaba ni katomimiia n te reirei ao i marenaia raoraona. E ataia bwa e kangaara beebeten ae kona kurati—n te taetae n tamnei—ngkana e aki kawakina kateimatoaan tamneina.
Te maiu e kona ni katabetabe. N ikotaki ma te tai Andrei e kabanea i aon ana kamatebwai n te reirei, te butibooro, ao te kombiuta, e karekei tai ibukin ana tataro, te aki mamatam, kamatebwaian booki aika tabu, ao ni kakoroi bukin tabena ngkai tei ibonga ngaia. E na taraia naba bwa e “nakon” te tieminari, are e a karaoia i aon te rain ibukina ngkai e raroa.
Karaoakin bwaai akanne bon mwaangan kateimatoan n aki toki te maiu n tamnei are e a buooka kinaakin ao kaetakin taian maaraara imwaain ae a kairiko nakon te kurati are e na roota te aro n tamnei.
“Iai tabeua bwaai are ko riai ni karaoi n taainako—karikan te taneiai,” e taku. “Kona a aki kariaia te maiu bwa e na taua arom.”
Kuratin te Tamnei
Andrei e a tia n reiakinna bwa ngkana ti aki karaoa kateimatoaan te tamnei n taainako, korakora n aiaron te karawawataaki ke rawawataia raom a kona n riaon ara totoko nakon te kaririiaki. Ngkana e riki anne, e na a aki rangi ni maan imwaain ae ti kabuai kawaira, tauan arora, ao n tokina mwaakara n tamnei.
N aiaron te wanikiba ngkana e a mate ana intin ao e na ruo rikaaki, ngkana ti bure, ti na kabua te korakora n tamnei ao te rietaata, ni karikirakea raroara mai karawa ao ni kairiira n te tai ae waekoa ke rimwi riki nakon te kurati n tamnei.
Ngkai e bon kona ibukin ana Mwakuri ni Kamaiu te Tia Kamaiu ni kaokiira riki ni bootaki ni kabane imwiin ara kurati, e bon tamaroa riki ni katine i aon Mwaakana ni buokiira ni karaoa te kaangaanga ngkana e uarereke—imwaain ae e karika te kaangaanga nakon te tamnei.
Kabuanibwain te Riaoaaki
Te iango man riaoaakin kateimatoaan bwain te wanikiba e bon tuai n roko n ana iango Andrei. Te riaoaaki bon tiaki te kawai ae e na iraki. “Iai tuua ibukin anne,” e taku. Ma ngkana e karaoa riaoaakin kateimatoaana—tii te taina—e taekinna bwa “bon ana akea te bwai ae na riki.”
Tao te kabanea ni buubura ni kaangaanga ma te riaoaaki bon tiaki bwa te wanikiba e na waekoa ni kurati ma anne e na a aki. “Ngkana akea te bwai ae buakaka ae e riki ngkana I riaoia n te bong aei, N na bon kariiriaki riki n te aro ae beebete bwa N na riaoaia n ningaabong,” e taku.
Ngkana e riaoaaki te katamaaroa n taainako, te korakora ma karawawataaki ana karaoi aia mwakuri i aon te wanikiba—ke i aora—e na karika te bwai teuana bwa e na mwakuri raoi n te tai ae waekoa ke rimwi riki. “Ni bon tokina ao tina kurati,” e taku.
Anne bukina te Atua e a tia n anganiira riki tuua ibukin kateimatoaan te tamnei n taainako. “Kakaitibo [n te umantabu] n taainako” (3 Nibwaai 18:22; e kairaki karawawataan te iango). Tataro n taainako (taraa 3 Nibwaai 18:19). Ukoukori booki aika tabu ma te botumwaaka (taraa 3 Nibwaai 23:1–5). “Kariaia te tamaroa bwa e na katamaroai am iango n n aki totoki” (D&C 121:45; e kairaki karawawataan te iango). Kaakawara te tembora n taainako.1
Kaawakinan tuua akanne ao karaoakin kateimatoaan te tamnei e na kateimatoaa kibara ae tamaroa.
“Te wanikiba e karaoaki bwa e na kibarake mai aontano, ni kiitana te aonaaba,” e taku Andrei. “Anne bon te bwai are Tamara are i Karawa e tangiria ibukira. Ma kateimatoaana n taainako, ti na roko raoi n te tabo are ti tangiria n nako iai—n okira karawa.”
Tamnein te wanikiba iroun iStockphoto © Christopher Pattberg; atai: tamnei iroun Adam C. Olson
Tamnein te wing iroun Adam C. Olson; tamnein te clipboard iroun John Luke