I Namakinna I Riai n Roko
Aldo Fabio Moracca, Nevada, USA
Uoua te ririki imwiin au bwabetito i Buenos Aires, Argentina, ana taeka temanna mai ibuakoia Unimwaane are e a tia n reireinai e teimatoa n rongoaa i taningau: “I ataia boni ngkoe te mitinare.” I uringa naba mwaakan te kaeka are I karekea ngke I tataro ni kan ataia ngkana te namakin are e riinga nanou e boni koaua. Ni koron au ka 20 n ririki, I ataia bwa I riai ni katauraoai n nako ni mitinare.
Ma N na kanga n riki bwa te mitinare? Bon akea arou n ai aroia kairake n ataeinimwaane kanga ai aroia anera are a tia n reireinai te euangkerio. Ao N na kanga ni kitana au mwakuri? N na maeka ia ngkana I a okira mweengau? E bon rangin matoatoa kunean te tabo are I kaman tia ni karekea, e ngae ngke tii te ruu ae uarereke ibukin ana auti temanna.
Ni kawaiu nakon mweengau n te tairiki teuana, namakin ao nanououa aika a manga roko riki n au iango. Ngke I a roko ni mweengau, I kataia ni karaoa au babaire. I baireia bwa N na katorobubua ao n anga au tataro ibukin buokau. Ngke I karaoia, I a karekea te namakin ae korakora are N na riai n nako n noora Leandro, te rao are e a tia n riki bwa buoka ae korakora inanon taai n rawawata.
Ma iangoan kautakina n te nukanibong e karika ae N na totokoa te iango anne. I ataia bwa e momoantaai n uti ni kaea ana mwakuri, I ao I aki kaumaka ae n na karebwerebwe iaon ana mataroa n te aoa anne. I korakai ni kaitara ma te iango anne ma I teimatoa ni karekea te namakin ae N na nako n nooria. I teimatoa, n rineia ae I baka n aki uringnga.
N oneanmwiina, I baireia bwa n na nakonako ni katobibia te auti ni kakaukiang. Ngke I uringnga ae I a tia n nako ao e uki au mataroa, ma e boni ngae n anne, I aoki nakon mweengau. Ngke I rin, I noora Leandro n tekateka inanon au ruu. I rootaki ni korakoran te Tamnei, ao I namakinna ae akea angiu. Ma n aron bwanaan temanna ae e ikentauti, I titirakinna, “Tera ae ko karaoia ikai?”
“I aki ataia,” e taku. “I tii namakinna ae I riai n roko n nooriko.”
I tuangnga taekan raraomau n taekan te nako ni mitinare. E kaota ana koaua nakoiu ao e kaungai. Imwiina e buokai ni kanoaa au beeba ni mitinare, are I a uotia nakon au bitiobi n te moaningabong are imwiina. Uoua te namwakaina imwiina I karekea te wewete nakon te Argentina Salta Mition.
I ataia bwa raoraou bon te bwai ni mwakuri ni bain te Uea n te tairiki anne, ao ma nanou ni kabane I ataia bwa Tamara are i Karawa e ongora nakon ao ni kaekai ara tataro akea a taekinaki ma te nano ae koaua ao ae nanonaki raoi.