Au Kainibaire n te Euangkerio

N na iriira ana babaire Tamau are i Karawa ibukiu.

N na ururinga au berita ngke I bwabetito ma n kakauongo nakon te Tamnei ae Raoiroi.

N na rinea te eeti. I ataia bwa I kona n raira nanou ngkana I karaoa ae kaairua.

N na kokoaua nakon Tamau are i Karawa, nakoia tabeman, ao nakoiu.

N na kabongana aran Tamara are i Karawa ao Iesu Kristo ma te karinerine. N na aki taetaebuaka ke ni kabonganai taeka aika a kaairua.

N na karaoi bwaai aikai n te Taabati ake a na buokai ni kaaniai riki ma Tamau are i Karawa ao Iesu Kristo.

N na karineia au karo ao ni karaoa mwiokoau ni kakorakoraia au utu.

N na kawakina au iango ao rabwatau bwa e na tabu ao e na itiaki, ao N na aki taui bwaai aika a kamamate nakoiu.

N na bwaini kunikai ni kamangorai nakon Tamau are i Karawa ao nakoiu.

N na ti wareware ao n tarai bwaai aika a kakukurei nakon Tamara are i Karawa.

N na ti ongora nakon anene aika a na kakukurei nakon Tamara are i Karawa.

N na ukoukoriia raoraou aika raoiroi ao ni karaoa ae raoiroi nakoia tabeman.

N na kororaoi ni maiu ngkai ni kona n nako nakon te tembora ma ni karaoa tabeu ni karika au utu bwa te utu ae akea tokina.

Ngai Natin Te Atua

I ataia bwa e tangirai Tamau are i Karawa, ao ngai I tangiria.

I kan tataro nakon Tamau are i Karawa n te tai n aki akaaka, n taabo nako.

I kataia n uringnga ao n rimwiin Iesu Kristo.