Ol Sista long Nem mo Fet
Maria mo Daeana D. oli no sista nomo; tufala i bes fren tu. Daeana i gat 10 yia, mo Maria i kasem 12 yia long las Ogis. Tufala i stap long Romenia, mo i gat samples 3, 000 memba blong Jos. Oli kipim fet blong tufala long Jisas Kraes i strong taem tufala i stap go long jos, ridim ol skripja, mo stap prea.
“Insaed long jos, mi bin lanem blong gat fet long God,” Maria i talem. Wan dei, hem i gat wan tes, mekem se hem i bin prea long Papa long Heven, long nem blong Jisas Kraes blong kasem help. Taem hem i bin kasem wan gudfala mak, hem i bin filim se Papa long Heven i bin helpem hem.
Daeana i talem se Buk blong Momon i stap helpem hem blong gat fet. “Evri dei we mi ridim Buk blong Momon, mi gat wan gudfala dei,” hem i talem. Skripja stori we hem i laekem tumas i stori blong Josef Smit. “Hem i bin prea, mo God mo Jisas Kraes i bin helpem hem,” Daeana i talem.
Joklet
Swit kakae we tufala sista ia i laekem tumas i joklet: Maria i laekem ol braoni, mo Daeana i laekem joklet kek.
Singsing we Tufala i Laekem Tumas
Maria mo Daeana, tufala i stap plei piano. Singsing we tufala i laekem tumas i “Love One Another (Lavem wanwan long yufala).” Hem i tokbaot komanmen blong Jisas blong mas lavem ol narafala man. Daeana i save plei gud long hem, be long en, hem i pat we i had moa, hem i talem.
Mi Lavem blong Luk Tempol.
Maria mo Daeana, tufala tugeta i wantem blong mared insaed long tempol wan dei. Tufala i stap long Kiyiv Yukren Tempol Distrik.
Taem Daeana bae i gro i kam bigwan, bae hem i go long Kiyiv Yukren Tempol blong go mekem ol baptaes long bihaf blong ol dedman. Maria i bigwan inaf nao blong go. Tempol i stap samples 805 kilometa longwe long ples blong hem.
Famle Faswan
Maria mo Daeana, tufala i lavem papa mo mama blong tufala. “Mama i mekem mi harem gud moa taem mifala i sik,” Maria i talem. Daeana i talem: “Papa i stap tekem mifala i go long skul.”
Ol Hym
Hym we Daeana i laekem tumas i “Longwe, Longwe long Graon blong Judia,” we i stap tokbaot taem we Jisas Kraes i bon. Ol memba long Romenia oli yusum grin hymbuk blong Jos. “Imnuri” i minim “hym” long lanwis blong Romenia.
Foto blong tufala sista we i kam long Adam K. Olson; pikja blong wan kek mo braoni we i kam long Tomas S. Jael