2 Timoti 3:16–17

Aposol Pol i bin tijim olsem wanem ol skripja oli blesem laef blong yumi.

16 Olgeta tok blong Baebol oli kamaot long God fastaem. Hem i putum long tingting blong ol man ya bifo nao oli raetem long buk. Ol tok ya i stret gud blong tijim yumi long ol trutok, mo blong blokem ol krangke tok. Mo i stret gud blong stretem ol krangke fasin.

17 Ol tok ya, God i givim blong bambae yumi ol man blong hem yumi save kam waes long olgeta samting, nao bambae yumi savegud ol rod blong mekem ol gudfala wok.

Evri Skripja

“Taem yumi wantem toktok long God, yumi stap prea. Mo taem yumi wantem Hem blong toktok long yumi, yumi lukaot insaed long ol skripja; from we ol profet blong Hem oli talem ol toktok blong Hem. Afta, bae Hem i tijim yumi taem yumi stap lisin long ol kwaet toktok blong Tabu Spirit.

“Sapos yu no bin harem voes blong Hem we i stap toktok long yu long ol dei we i pas, gobak, wetem ol niu ae mo ol niu sora long ol skripja. Oli laeflaen blong yu long saed blong spirit.”

Elda Robet D. Hel blong Kworom blong Olgeta Twelef Aposol, “Holy Scriptures: The Power of God unto Our Salvation,” Liahona, Nov. 2006, 26–27.

Doktrin

“Tru doktrin, we oli andastanem, i jenisim ol fasin mo ol aksen. Stadi blong ol doktrin blong gospel bae i mekem fasin blong yu i kam gud moa, i kwik moa bitim we sapos man i tekem wan stadi long saed blong fasin blong jenisim fasin blong hem.”

Presiden Boed K. Peka, Presiden blong Kworom blong Olgeta Twelef Aposol, “Do Not Fear,” Liahona, Mei 2004, 79.

Blokem ol Toktok

Blokem ol toktok—blong sakemaot ol toktok, blong panisim, blong tok strong, o blong stretem ol toktok, oltaem long wan wei we i kaen.

Stretem Samting

Orijinol toktok long lanwis blong Gris we oli yusum long Baebol i minim “blong stretem samting bakegen.” Mekem se ol skripja oli helpem yu blong kipim long sem laen mo blong yu save folem stret mo smol rod (luk long 2 Nifae 9:41).

Savegud

Savegud—gat ol samting we yu nidim, kasem ol samting.

Ol Gudfala Wok

Wanem kaen gudfala wok nao ol skripja oli helpem yu blong rere long olgeta? Hemia sam long olgeta we yumi savegud long olgeta. Yu save tingbaot sam moa? Raetemdaon olgeta long jenol blong yu.

Stap givim seves olsem wan fultaem misinari
Stap mekem ol koling blong Jos oli hapen (olsem hemia blong ol presidensi blong kworom mo klas)
Stap tijim gospel
Stap serem testemoni
Stap serem gospel
Stap ansarem ol kwestin blong ol fren long saed blong Jos