Tingting
Wan Kampas we I Impoten
Liahona i insperesen blong mi long laef ia. Wetem hem, bae mi neva lus. Mi biliv se evriwan we i ridim ol magasin blong Jos oli save faenem stret wanem we hem i nidim. Mi mi Praemeri presiden, mo mi luk se ol pikinini oli laekem blong ridim, insaed long magasin, ol stori abaot ol pikinini we oli olsem olgeta. Liahona i wan kampas we i nid blong yumi gat insaed long laef blong yumi; hem i helpem yumi blong stap longwe long ol trap blong Setan.
Yanina Ivanivna Davydenko, Yukren
Ol Eksperiens we Oli Givim Kamfot
Liahona i bin helpem mi plante tru long ol mesej mo atikol blong hem. Wetem laef we i muvmuv we mifala i gat, plante taem mi stop long dei mo ridim wan atikol blong magasin we i tokbaot ol eksperiens blong ol narafala memba. Ol atikol ia, oltaem, oli helpem mi blong faenem sam kamfot long saed blong spirit mo i mekem tingting blong mi blong wantem gobak long ples blong God mo Jisas Kraes wetem famle blong mi, i kam niu bakegen.
Joao Karlos, Brasil