Ni kabuta te Ekaretia
Kamataku i Puerto Rico e Teweeia Nga ma Nga
N Ritembwa 18, 2011, membwa man titeiki aika nimaua man te Puerto Rico a ira te kamataku n te Kiritimati are e karaoaki n te Paseo de las Artes ni kawan Caguas. E kaniia 85 membwa n te Ekaretia ake a kamataku, ao tabeman 2,500 membwa n te kaawa a iri.
Aia Tienta ae Boou Kairake ake a tuai Iein bon ana Kateniua Africa
N Nobembwa 4, 2011, kairake ake a tuai iein mai Soweto Africa Maiaki Titeiki a karaoa aia moan waaki ni kakukurei n te kateitei ae boou are e na kabonganaaki ti ibukiin aia tienta kairake ake a tuai iein.
E raka iaon 140 tienta ake a tei ni kabuta Europe, ao tabeua a uamaenako iaon te United States. Te tienta i Soweto bon ana kateniua Africa; ake tabeua a mena n te Democratic Republic i Aban Congo ao Zimbwabwe.
Te Keerake ae Onoti E Kauekei Titiraki
Te roora ni beeba bon boton te “Titiraki ibukin te Atua” aia waaki ni kakukurei mitinare i Nizhniy Novgorod, Russia, n Okitobwa 9, 2011.
E riaon te maan ae tabeua te aoa, e raka iaon 150 aomata a tei irarikin taibora aika uoua n te kawai ae rawata kaina, anai been, ao ni korei aia titiraki. Ni mwaitiia ni kabane, 84 titiraki ake a koreaki iaon te roora ni beeba. Mwaitia aomata a kaota bwanaia ni kan karekea te kaeka mai irouia mitinare ake a roko.