Teraa are Imwiin te Tieminari?
Te anga beeba n te tieminari bon tiaki tokin am kamatebwai n taekan te aro. Te bwai teuana ae kamimii ae teimatoa ni katauraoaki ibukim.
N te tieminari ko kamatebwai booki aika tabu ao ko na kaitibooaki ma tabeman aika bon rorom n taainako. Ko namakina te butimwaeaki, ao ko kona n namakina te Tamnei. Ai ngaia are ngkana ko a tia ni kabwanina am tieminari, taneiai aikai a toki? A bon aki.
Ana buroukuraem te intitute are bon ana bwai te Ekaretia bon te mwaneka are imwiina, ao ko na tangiria. Tao ko na nakon te college ke ko aki, ko kona n reitanako reiakinan te euangkerio, katauraoiko ibukin am mwakuri ni mitinare ao te mare n te tembora, ao n tibwauai taneiai ma tabeman aika rorom.
Aikai tabeua kaeka nakon oin titiraki ibukin te intitute. Ko kona ni kakaea riki taekana i institute.lds.org.
Tera te intitute?
Te intitute e rabwatanaki n taian kiraati aika kamatebwaia te euangkerio, i nanona taian kiraati iaon booki aika tabu, aia reirei burabeti, ao te katauraoi ibukin te mitinare ke te mare n te tembora. N tabeua taian intitute ko kona n rineia man kiraaati aika bati.
Antai aika a kona n iria?
Ni kabane kairake n ikawai aika a tuai n iein a kaungaaki ma te matoa n irii taian kiraati n te intitute. Nikabane—are e iein ke akea toana—imarenan te ririki ae 18 ao 30 a kona n iiria.
N te tabo raa ae I kona ni kunea te intitute?
Tabeua aono iai ana kateitei te intitute irarikin taian college ao uniwetiri. N tabeua aono taian kiraati a karaoaki i nanon ana kateitei te Ekaretia ke tabeua taabo. Reitaki ma am bitiobi ke am beretitenti n te mwaanga ibukin taekan ana buroukuraem te intitute n am aono, ke naako nakon institute.lds.org ni kakaaea te intitute ae kaan irarikim.
Ibukin tera bwa N na ira taian kiraati n te intitute?
Beretitenti Thomas S. Monson e a tia n taekinna: “Karika irakin te intitute bwa te moanibwai. … I iangoia. Raraom a na reke, te Tamnei e na namakinaki, ao te onimaki e na kakorakoraaki. I berita nakoim bwa ngkai ko ira te intitute ao ni kamatebwaia booki aika tabu ni kakorakorako, mwaakam n totokoi karirii ao ni karekea ana kairiiri te Tamnei are Raoiroi ni bwaai ni kabane ake ko karaoi a na rikirake” (institute.lds.org, Eberi 21, 2009).
Kamataata n te tamnei iroun Media Services