Te Wirikiriki man te Akoi
“Tangiriia ami kairiribai, karaoa ae raoiroi nakoia akana ribaingkami” (Ruka 6:27).
“Carson e bon mena ikai n te bong aio,” e taku tinan Jame, ni kotea te ataeinimwaane inanon te kawai irarikin ruun te Buraimwari.
James e ngira. Carson e bon kunnikaina n te jeans ao te kabaraaki ae e a maan. James e ataia bwa tinana ao tamana a na aki kariaia ngaia ni kunikaina n aiaron anne nakon te taromauri, ma a na bon aki kanakoa ma bwaai riki tabeua are Carson are e karaoia.
N te wiiki are e nako n te reirei, Carson e a tia ni kaotinakoaki man te kiraati ibukin kabooan ana taeka ana tia reirei. N taainako e bwabwainingarea James n aron kunnikaina ao n angannate rawawata ibukina are te kabanea ni uarereke n te reirei.
“Terana ngkana e takaruaa Titita Win ke ni karika te un?” e titiraki James.
“I bon koaua bwa bwaai ni kabane ana tamaroa,” e taku tinana. “Carson e tuai man iira te taromauri, ao tao e na bon neweti.”
Ngke e a moanaki te kiraati, Titita Win e titiraki bwa antai aika uotii aia boki aika tabu. James e katea baina ma kaain te kiraati ni kabane, ma Carson e ioioa atuna. E taraa ni mamaa, are e a bon kakubanakoa James. Carson e tataneiai ni karaoi manikangare ngkana e aki karaoa ana bwain reirei. Ma e ngkana e iangoia riki James, e na kamimii riki bwa aekakira ngkana ko nako n taromauri n ae boou n te moan tai.
Titita Win e angan Carson ana boki aika tabu ni kamanena. Ngke e a roko ana tai Carson, ni warekii taeka aika tabu James e a moanna n raraoma. Terana ngkana Carson e karenakoi booki aika tabu iaon te burooa ke e rawa ni wareware?
Ma Carson e aki te roko ni karaoi baikanne. E tarai taeka iaon baana ao man matanoku. Imwiin tabeua te tai, James e ataia bwa Carson e aki kona ni wareware raoi. James e tuai man nooria n arona aio n te reirei.
James e rara nakon Carson ao ni wirikiriki, “E koaua.”
Carson e taraa ni mimii, ma e atonga te taeka ao n reitanako warekan te kibu. Ngkana iai ana kaangaanga ma te taeka, James e buokia iai. Ni banen ana tai, Carson e taraa James ao n anga katoutouan atuna ae uarereke.
James e bon aki koaua raoi ngkana a nangi bitaki bwaai n te reirei imwiin aio. Te bwai ae kangare bwa e aki tabe iai. E namakina te raoiroi n ataakina bwa e a tia ni buoka te ataeinimwaane are e aki toki n anganna taai aika rawaawata, ao akea temanna ae kona ni kanakoa te namakin anne.
Arom ae kona katotoonga
Ko kona ni kaaina ara tiim.
Cartoon iroun Val Chadwick Bagley
Kamataata iroun Graig Stapley