Karokoan te Buraimwari n te Mweenga
I Rinea te Eti man Maiuakinan Reirein te Euangkerio
Ko kona ni kamanena te reirei aei ao te waaki ni kakukurei n reireiniko riki ibukin ana boto n iango te Buraimwari ibukin te namwakaina aio.
Ko kona n iangoia ae ko na nako ni mitinare ao ko aki ata te tai are ko na okiria am utu? E kangaara am namakin? Terana ae kona karaoia ni katauraoiko?
Natina mwaane aika aman te uea are Motiaea—Amon, Aaron, Aomna, ao Iminaai—ao raraoia Aramwa a mwananga iaon kawaia ae maanna 14 te ririki. N tatabemaniia natin Motiaea mwaane a kona n tia n riki bwa ueaa n oin abaia, ma a aki bwa a ira nanoia. Ngaia ma Aramwa a riki n rairaki nakon ana euangkerio Iesu Kristo, ao a tangiria n tibwaua te euangkerio ma Reimwanaite, aia kairiribai.
Kairake ni mwaane ataia bwa aki kona ni karaoa aia mition n akea te mwaaka mairoun te Atua. Aramwa 17:2‒3 e kabwabwaraa bwa a kangaa ni karekea te mwaaka aei: “A bon tia n ukoukora ana koroboki aika tabu ma nanomwakaia, bwa aonga n ataa ana taeka te Atua. … A bon tia naba ni kakorakoraia n tataro, ma n aki mamatam; ngaia ae iai irouia te tamnei n taetae ni burabeti, ao te tamnei ni kaotioti, ao ngkana anga reirei, a reirei ma mwaakan ao ana kariaia te Atua.”
Te aki mamatam ao te tataro e buokiia kairake ni mwaane aikai ni karekei kakabwaia mai iroun te Atua. N aiaron Aramwa ao natin Motiaea mwaane, ko kona n aki mamatam ao n tataro ni katauraoiko ni karekei kakabwaia mai iroun Tamam are i Karawa are iai irouna ibukim.
Maing: kamataata iroun Paul Mann; inano: kamataata ni korotamnei iroun Richard Hull © IRI; atai: kamataata ni korotamnei iroun Brian Bean