Korakoraia Ara Bakatibu
Man te maroroo n te kauraai are e anga n Aokati 3, 1980, i Brigham Young University. Ibukin korean taekana ae bwanin n taetae n Imatang, nakon speeches.byu.edu.
Aia onimaki Bwaeoniia e kainnanoaki n te aonaaba n taai aikai n aron waakin te tai.
I ku-kukurei n tainako n rongorongoia bwaeoniia. Tibu te unaine e maeka irarikin ara auti ngke I uarereke. Ngke waniua ana ririki e a tia n rianna ni kabanea angiin te kawai n rinuukan te aba ae aoraoi. E kona n uringnga teutana are a rinanona bwaeaoniia are e kamimia nanou man aoa ake I tekateka iai n ongora irouna.
Beretitenti Brigham Young (1801–77) e a tia n tainako n riki bwa au ninikoria ae okoro. Ana kaeka nakon kangaanga a bebete ao a kakaawaki ao a kabwaia iai aomata. I mimii n tamneina ao ungannanona ngke e kairiia Aomata aika Itiaki nako maeao.
Ngke e a ataia bwa te kabane mwane ni kamwaingaia taan rairaki aika a boou mai Eurobe nako Utah ea bobuaka, ea uotaki te iango nakon Beretitenti Young bwa a na kabonganai aenika n rinuukan te marae n uteute. Beretitenti Young e waekoa n noora tamaroana, tiaki tii ni kawakinan te kabanemwane ma ibukin naba reken marurungiia aomata n rianna n te raroa anne ao n roko n te mwanono i Salt Lake ni kaonaki n te korakora ao te ungannano imwiin te bwai are a rinanona. E taku.
“Ti onimaki [confident] bwa te aekaki n turein anne e na waekoa riki nakon te turein are kookaki n te kao are e kona ni waaki. A riai n iai kao tabeua aika raraoi ni karekea te miriki, ao tabeua te iriko ni uotii ao ni korokoroi ngkai a na bon kainnanoaki. N te aro aei te kabanemwane, kabua ao te nanououa n te tiim e na totokoaki [kararoa], ao aomata aika a itiaki a na kona riki ni koro bukin aia kantaninga ni kiitani aro ni karawawata, nanokawaki, maraki ao ni mate are e a tia n tauniia mwaitiia tarira ao mwanera aika mwaiti n te tano.
“Ti boutoka kanakoaia mwaane aika taan onimaki ao aika a mwaatai, ma kaetieti aika a tau, nakon taabo aika tau ni katauraoi bwaai bwa a na kakoroi bukin aika oti mai eta; kariai aomata aika itiaki, bwa ngaiia, ake iai nanoia ni mwananga n te ririki ake imwiina, n ataia bwa a kantaningaaki bwa a na rianna ao n uoti aia bwai n rinuukan te aba ae aoraoi, ao a na buokaki man te [Mwananga ae Reitinako] mwane n akea te anga riki teuana.1
Imarenan 1856 ao 1860 tabeman ngaa n aomata aika Itiaki a tokanikai ni karaoa te 1,300-ni maire (2,090 km) ni mwananga n te aenika. Tokanikain aia mwananga e uruanaki n tii uoua te mwananga aika rangi n ururingaki, te Willie ao Martin ni kambana n aenika, ake a rangi ni waeremwe ni mwananga inanon te ririki n totokoi moan rokon te tinoo n te winta. Riki, n ata rabakaun Beretitenti Young. N Okitobwa 1856 n te maungatabu ni kabuta, e kabanea te maungatabu aio bwa a na katea te rabwata n ibuobuoki ni buokiia Aomata aika Itiaki ake a rootaki. Ao e tuangiia taari bwa a na aki tataningaa te wiiki ke te namwakaina imwain ae a nako. E tangirii aika bati tiim n aoti aika aman bwa a na tauraoi n te Moanibonga are imwiina n nako ni buokiia Aomata ake a Itiaki ake a reke n te tinoo. Ao bon anne raoi te bwai ae e riki.
Te moan kurubu n ibuobuoki a bon mwananga iaon kawaia n te Moanibong are imwiina Kabwarabwaraan te kukurei iroun te kambwana ae Willie ni karekean te moan ibuobuoki e uota te namakin ni kaan nako aon te taubuki. Kaaben Willie e a tia ni katuka ana kurubu ae uarereke ao n nako ma toana ni kakaea te turein ni kamaiu.
E koreaki n rongorongon ngkoa: “N tairikin te kateniua ni bong imwin nakon Kaaben Willie, ngke e a bon bung taai ma te tamaroa i akuun tabuki aika a raroa, iaon tabuki aika uarereke, ni kaan mai maeaon ara kaemba, a bati waekon aika a rabunaki, ake a kookaki irouia aman aoti, a nooraki n roko ni kaineti nakoira. Te rongorongo e waekoa ni biri rinanon ara kaembwa n aron uran te ai, ao ni kabane ake a kona ni kiitana aia kainiwene a riki bwa kurubu n aomata n otinako n nooriia. Tabeua te miniti e a uotiia ni kaota ara kaaben ae kakaonimaki mai moan te turein. Te takarua ni kukurei e kaona te eea, mwaane aika aintoa a tang ni karokoa rannimata a bon bwaro iaon rainin kunin tabaia a bwaruku ao aika bue, ao ataei aika a uarereke a karekea naba te kukurei ao tabeman mai ibuakoia a kuri aki kona n oota, ao a mwaie n aki akaka ma te kukurei. Te korakai e a katinanikuaki n te kukurei ae bati, ao ngkai taari a rin [te] kaembwa aine a bwakariia n uatao ao n anganiia te inga ni kaboria. Mwaane a rangi n kukurei n te aro are a aki kona n kaotinakoa te taeka, ma n tang ni kainabwaabu n totokoi ni kabane… namakin. … N te tai ae waekoa, e ngae n anne, namakin e a bon toki, ao n aron te iobai, n aron taeka ni butimwaai, ao n aron te bubuti n ana kakabwaia te Atua a bon kakoauaaki!”2
Katean Utu aika Matoatoa
Mai irouia bwaeoniia aika a aintoa akanne a tia ni karikirakea te katei ao rikiia are e katei utu aika korakora ake a tia n anganga ae mwaiti nakon te United States maeao ao nakon nikiran te aonaaba.
I kaoaki nakon te bootaki teuana n ririki aika a nako are e mwanenaki man te bootaki ni boobwai are e katanoataaki ni kaukan aua titooa n aonon te Salt Lake City. Ngkai iai te taneiai ni kabobwai, I tuanga te beretitenti ngke I tekateka n te taibora ma ngaia n aron ninikoriana ni kauki aua titoa n te tai ae tii teuana n te tabo ni mwakete ae boou reirei. Ana kaeka bon are I kantaningaia. E taku bwa ana bootaki ea tia ni kamatebwai iaon mwaitin te botannaomata ni kabane taabo nako ni kaawa aika bubura n te United States Te bootaki e nano ni kan atai taabo raa ake a anga te kabanea n raoiroi ibukin te titoa ae na katika nanon te utu ni kairake. Te aono n te Salt Lake, aia tabo bwaeoniia n taai akekei are a na toki iai, e taua te rine n te aba.
Te bootaki e kunea naba n tokin ana kamatebwai bwa te bootaki ni mwakuri n aonon Salt Lake e kuneaki bwa e kokoaua ao e korakora ana kakamwakuri. Ko nooria, rikiaia bwaeoniia e bon tei bwa te bwai ni kakoaua rikaaki nakon te kateniua ao te kaaua n roro n te aono.
E ngae n anne, I bon tounako man te ware are e tibwa roko iaon au tetike. E taekinna bwa tii 7 te betiente irouia ataei aika a kaikawaaki n te United States ni boong aikai e roko man mweenga aika e tataneiai te aba ni kaainaki irouia kaaro aika mwakuri, te tina ae tiku n te mweenga, ao temanna ke raka riki natiia.3 Ni katoa te bong ti noori rootakin mweenga aika e tataneiai te aba n iai aika uruaki. E rikirake mwaitin buuaine aika ororeaki, ao ataei aika kuaaki rabwataia ao ni karaoaki nakoia mwakuri n tangako, urubwai n taian reirei, rikiraken kakiriwe irouia te roronrikirake, bikoukou irouia kairake aika a tuai ni mare, ao aomata aika kaara a rikirake ni kara n aki tararuaaki n te utu ae mwaiti kaaina.
Te burabeti e a tia ni kauringiira bwa te mweenga bon te tabo ni kamaiua te botannaomata.4 Te mweenga ae e tau, e koaua, e aki karikaki n otomaetiki ngkana te ataeinimwaane ao te ataeinaine a tangira ao a mare. E tangirii aroaro aika raraoi n ai aron ake a reiakinaki ni mweengaia bwaeoniia—onimaki, ninikoria, boaaki, ao te nanomatoa—ni karekea te mare ae nakoraoi. N aroia bwaeoniia ake a karaoa te rereua bwa e na uee n aron te rooti, n aron naba maiura ao utu a na maiuraoi ngkana ti toui mwiin aia banna ni katooto ao n tauii aia katei. Eng, aia onimaki bwaeoniia e kainnanoaki n ae mwaiti n te aonaaba ni boong aikai inanon waakin te tai. Teuana riki, ti kainnanoia n atai rikiaia anne. Ti kainnanoia n reiakinii, ti kainnanoia ni kakatonga iai, ao ti kainnanoia ni kawakinna.
Ti rangi ni kakabwaiaaki. Tera tibwangan ara atatai ao otara ae a karekea. Arnorld Palmer, te tia kaobo ae te I-Amerika ae kakannato, e taekinaki bwa e a tia n taekinna, “Te moanna e aki tau, ma tangiran te tokanikai e bon tau.” Ai kakannatora te taetae anne: “Tangirana e bon tau.”
Te Atua e anganiira te nano ni kan karekea te kabanea ni kakannato ibuakon ni kabane bwaintangira E a tia n anganiia Natina—te bwaintangira n te maiu ae akea tokina. E bia kakabwaiaira te Atua bwa ti na kona n ata tiara, bwa ti na reiakin ao n rikirake ao ni karikirakea te oota irouia ara bakatibu ao n nanomatoa ni kawakin bwaintangira aika kakaawaki akanne ake e a tia n anganiia Natina. I kaota au kakoaua ae matoatoa bwa e maiu te Atua, ao Iesu bon te Kristo, ao Ana kawai e na kairiira nakon te maiu ae akea tokina.
Handcart Pioneers, iroun Minerva Teichert © IRI, mwamwannano man ana Miutiim te Ekaretia n Rongorongon ngkoa.
Ephraim Hanks Arrives at the Martin Company, iroun Clark Kelley Price, e na aki katotongaki; kamataata n te tamnei iroun Craig Dimond ao Cody Bell