Te Ekaretia e Butiia Membwa bwa a na Ota n Tuan Rongorongon te Utu
Taani kairiri n te Ekaretia a butiia Aomata Aika a Itiaki n reiakina ao n ota raoi n tuan rongorongon te utu n te Ekaretia iaon kanakoan aara ibukin otenanti n te tembora.
Kabonganakin bwaai ibukin te New.FamilySearch.org webutiaite a kateaki ni nneia “ibukin ataakina, ibukin te reirei, ao ibukin te karinerine,” e taku Dennis C. Brimhall, tarekita ni manatia ibukin te Tabo n Tararua n Rongorongon te Utu n te Ekaretia.
Bwaai aika a riki a bebete ao a mataata. “Aomata ake a kabonganai a riai n aki anga araia aomata ake a aki irekereke ma ngaiia n tei ibukin otenanti n te tembora, n reitaki ma araia aika a rangin tanoata taekaia ke aomata aika a kinaaki, ke naake a ikotaki man mwakuri n ikotan rongorongon aika a aki butimwaeaki,” taekin taeka aika a riai ni kabonganai taan kabongana ni katoa te tai are a rin iai n te webutiaite.
Manga katuruturuan taian kainibaire aikai, ake a kaotaki naba n ana Aeniboki 2 te Ekaretia, e ira uruakan tuan te oneanimwii ni Bwabetito n te Ekaretia.
“Teuana mai buakon bwaai ae ti kainnanoia n uringnga bwa ukoukoran ara utu ao katauraoan aara ibukin te mwakuri ae e na karaoaki n te tembora bon, eng, te tabe, ma bon te kakabwaia naba,” e taku te Tari Brimhall. “Te kakabwaia anne e karababaki nakoia membwa mairouia naake a taui kiingin te mwakuri. Kiing nakon te mwakuri aei a tauaki irouia tenaan Moan Beretitentii n te Ekaretia.”
Taani kairiri n te Ekaretia a tia ni butiaa membwa ake a anga aia aara ibukin te oneanimwii ni bwabetito ibukiia ake a tia ni mate bwa a na:
-
Mwakuri tii iaon oin aia riki.
-
A anaaki anga araia ake a rangin kinaaki.
-
A anaaki anga araia kurubu ake aki kariaiakaki, n aroia aomata ake a tiringaki n Tiringaia Iutaia.
Taani kairiri n te Ekaretia a kanako rongorongo ni Beberuare 21, 2012, ni kaekaan taian titiraki ibukin uruakan tuan te Ekaretia, are e kateaki n 1995 imwiin te maroro ma taani kairiri n te aro n Iutaia.
Te rongorongo e kaokioka ana motinnano ae matoatoa te Ekaretia n aki butimwaai araia kurubu aika a aki kariaiakaki ibukin te oneanimwii ni bwabetito ao n ataia bwa n aron totokoan te kamanoaki e a kaman tauraoi, te tia kanakobwai e na bae ni kabongana “te aro ni kamwane ao te anai nano.”
N aron mwakuri akanne e kona ni kairiri tiaki tii nakon katokan rinin te membwa n te Ekaretia nakon te New.FamilySearch.org website, ma taani kairiri n te aba a kona naba ni karaoa te aro ni kaetieti inanon tabeua keiti.
“E bon kararaoma ngkana te aomata e urua tuan te Ekaretia n oin ana kantaninga ao te bwai ae e riai n ota raoi e na riki bwa te anganano ae e boboto iaon te tangira ao te karinerine e a riki bwa te itabaraaraa,” e taku te rongorongo.
“Ti a kan noora tain te reirei,” e taku Tari Brimhall. “Ti na kauringiira riki ibukin te inaomata ao katabeaki ao kiing ao kakabwaia ao ake aia mwakuri aei ao e kanga aron karaoana ao antai ae e bairea te mwakuri. Ngkana ti tii uringa anne, I taku bwa akea ara kanganga. … Ti kona ni kanakoraoa te tititem ibukiia aomata ni kabane.”
Taani kairiri a tia ni butiia membwa ake a anga aara ibukin te bwabetito ibukiia maate ni mwakuri iaon oin aia riki, n aki anga araia naake a rangin kinaaki, ke n anga araia kurubu aika a aki kariaiakaki, n aroia aomata ake a tiringaki n tiringakiia Iutaia.