Rongorongon te Aonaaba Aika Kimototo
Burokuraem ni Kamarurung ibukin Anua Aika Kareke e Bubuti ibukin Karaki n te Kamarurung ao te Kamaiuaki
N te katauraoi ibukin te Burokuraem ni Kamarurung ibukin Anua Aika a Kareke webutiaite e baireaki ni kaoti rimwi n te ririki aei, te Ekaretia e ukoukori karaki aika a onoti ibukin te kamarurung Anua Aika a Kareke.
Naake a baireia bwa a na tibwauai aia rongorongo kanakoa te e-meeri nakon arp@ldschurch.org ni karin rongorongo aika imwiina, are a na kawakinaki raoi:
-
Bwaninin te ara, ririki ao, ao rikim
-
Tamneim (kantaningaki ma e aki kainnanoaki)
-
Rekerekem ma nakoam ni kainakin te Ekaretia
-
Kakimototoan kabwarabwaraan anuam ae kareke ke anuaia ae kareke aika a tangiraki iroum
-
Te kanikina man am anganano n tibwaua am rongorongo rinanon te witeo, ae kakauongoaki, korobokiana, ke ni kabane akanne.
-
Am karaki. Karina mwiin am waaki ae kareke (taiaoka tai tibwaia te rongorongo ae aki riai, ma taekina mwiina ae ko reketaati iai ao naake irarikim), te kamatata ae kimototo ni maium ngke ko ataia bwa ko kainnanoa te buoka, te kamatata bwa ko kanga n rinanon te kamaiuaki rinanon Kristo ao tera are ko rinanona ngke e a manga kaokaki am kantaninga, ao te kamatata ni maium n te bong aei ao taian reirei ao kakabwaia ake ko a tia n rinanoi rinanon te kabwarabure, rairannano, ao te mwakuri n ibuobuoki.
Membwa n te Ekaretia i Fiji a Katauroa te Buoka ibukin te Botanaomata nakoia Aomata ake a rootaki n te ieka
Ni Beberuare, teniua titeiki n aonon te Suva, Fiji, a taua te tai ae e riki n rikoi amwarake, bwain te auti, ao bwain reirei ibukiia aomata n tain te ieka i meangin ao maeaon Fiji.
Fiji e taonaki n teimatoa bwakan te karau ni moan te ririki, ni karika te ieka ae tabangaki ao katikeken te aba n aonon maeao ao meang. Te ieka e karika te mate ae mwaiti ao ni kairoroia ngaa n aomata ni kamwaingaki mani mweengaia.
Ngkai te ieka e buti ni korakora rinanon mwakoron maeaon ao meangin Fiji, taani kairiri n te aba n te Ekaretia a waekoa ni kauki autinibootaki bwa tienta ni kamwaing ibukiia aomata ake a rootaki mweengaia n te ieka.
Unimwaane Taniela Wakoro, Itingaun n Aono ao te Fiji Tieweti Tienta Manatia n te Ekaretia, e moana te waaki ni Beberuare 6, n te tai ae kimototo imwiin kaongoakia taani kairiri n te aba n te Ekaretia ibukin te ieka. Membwa a rikoi ao n tibwatibwai amwarake, kunnikai, bwainimatu, bwainamwarake, ao bwain reirei, tenaan aitem a anganaki aomata ake a rootaki.
Ni wareki riki aikai ao rongorongo tabeua, taiaoka nakon news.lds.org
Ni katauraoi ibukin te webutiaite ae boou, naake a kaira te Burokuraem ni Kamarurung n Waaki Aika a Kareke (te bowii e kaotaki ikai) a ukoukori karaki aika a onoti ibukin te kamarurung ni Waaki Aika a Kareke.
Tamnei iroun Rick Wallace