Elder Craig C. Christensen

Ena Mataveiliutaki ni Vitusagavulu

Sa tekivu veiqaravi o Elder Craig C. Christensen vakalewe ni Mataveiliutaki ni Vitusagavulu ena 1 ni Okosita, 2012, ni oti nona kacivi ki na itutu oya ena Epereli 2012.

A sucu mai vei Sheron kei Colleen Christensen mai Salt Lake City, Utah, Amerika, ena Maji 1956, a tubu cake o Elder Christensen mai na vualiku kei California ena “dua na matavuvale bulabula vakalotu dauveisusu ni YDE.” E vakabibitaka o koya ni sa dau vakabauta tu ga ni dina na kosipeli, ia a vaqaqacotaki na nona ivakadinadina ena nona veiqaravi vakadaukaulotu mai Chile.

“Niu daukaulotu voli, sa yaco me dau wasoma na noqu gadreva meu vakila na Yalo Tabu, ka titobu cake na noqu ivakadinadina me baleta na kosipeli ka yaco me ka dina vei au,” e kaya o koya. Ena nona kaulotu sa yaco kina me lomana na iVola i Momani, ka sa tomani tiko ena nona ivakavuvuli nikua.

A sa lewena voli o Elder Christensen na iMatai kei na iKarua ni Kuoramu ni Vitusagavulu me tekivu mai na 2002. Ena dua na gauna lekaleka sa oti qo, a veiqaravi vaka Dairekita Liu ni Tabacakacaka ni Matabete. Na ilesilesi ena veigauna sa oti e oka kina na peresitedi ni iWasewase na Mexico South, peresitedi ni tabana ni kaulotu na Mexico City East, bisopi, lewe ni matabose e cake, ka peresitedi ni kaulotu ena iteki.

E tiko vei Elder Christensen e dua na koroi ni bejila ni daunivika mai na Brigham Young University kei na masita ni veiliutaki vakabisinisi mai na University of Washington. Sa taukena ka cicivaka oti na veibisinisi ena tabana ni volitaki motoka kei na tabana ni vakatorocaketaki iyauqaqa, ka dau veituberi sureti voli ena vica vata na univesiti.

A vakamautaki Debora Jones o Elder Christensen ena ika 28 ni Maji, 1978. Erau vakaitikotiko mai Holladay e Utah, e va na luvedrau ka lima na makubudrau.

© IRI