Pagdala sa Primary ngadto sa Panimalay
Si Jesukristo Mao ang Atong Manluluwas.
Inyong magamit kini nga leksyon ug kalihokan aron makat-on og dugang kabahin sa tema sa Primary karong bulana.
Sa makausa sa dihang si Elder LeGrand R. Curtis Jr. sa Seventy bata pa, siya ug ang igsoong babaye nagdula sa gamay nga sakayan sa suba. Sa sinugdanan makalingaw kini, apan sa dihang ang sakayan nagkalayo sa baybayon, ilang naamguhan nga naglutaw sila paingon sa makuyaw nga bul-og sa tubig.
Nangayo og panabang ang mga bata. Nakadungog ang ilang amahan ug migukod sa sakayan sa pagluwas nila. Naluwas niya sila, butang nga dili nila mahimo sa ilang mga kaugalingon. Gibuhat kini sa amahan tungod kay gimahal niya sila.
Usahay makahimo kita og sayop nga mga pagpili ug mobuhat og mga butang nga espirituhanong mopalayo nato gikan sa Langitnong Amahan. Ang atong Langitnong Amahan mipadala sa Iyang Anak, nga si Jesukristo, aron sa pagluwas nato. Nag-antus si Jesukristo sa atong mga sala aron kita makahinulsol ug makapauli nga luwas sa pagpuyo uban sa Langitnong Amahan. Gibuhat sa Manluluwas ang butang nga dili nato mahimo sa atong kaugalingon. Andam Siyang mibuhat niini tungod kay Siya nahigugma nato.
Sa wala: paghulagway pinaagi ni Jennifer Tolman; sa tuo: mga paghulagway pinaagi ni Jerry Thompson ug Paul Mann; THOMAS S. MONSON, NI KNUD EDSBERG, SA MAAYONG KABUBUT-ON SA CHURCH HISTORY MUSEUM