Diha sa Dalan

Diin Gimantala ang Basahon ni Mormon

Ni Jan Pinborough

Mga Magasin sa Simbahan

Uban nako sa pagsuhid sa importanting dapit sa kasaysayan sa Simbahan!

Sa usa ka adlaw sa ting-init niadtong 1829, si Joseph Smith misulod sa usa ka red brick nga building didto sa Palmyra, New York, USA, diin ang imprintahanan ni Mr. Egbert B. Grandin mahimutang. Bag-o lang nahuman sa Propeta ang paghubad sa mga pulong sa bulawan nga mga palid, ug gusto niya nga si Mr. Grandin momantala sa unang 5,000 ka mga kopya sa Basahon ni Mormon. Pagkasunod tingpamulak, ang bag-ong basahon sa kasulatan naimprinta ug andam na nga mabasa sa mga tawo.

Si Luke S., otso anyos, mibisita sa Grandin Building aron makahibalo sa kahibulongang istorya kon sa unsa nga paagi ang Basahon ni Mormon namantala 183 ka tuig na ang milabay niining bulana.

Ang bag-ong imprintahan ni Mr. Grandin makaprinta og 16 ka pahina matag higayon—kaduhaon ang maprinta sa karaan nga imprintahanan.

Kini nga kwarto adunay mga replica sa ekipo nga gigamit sa pagprinta sa Basahon ni Mormon.

Masulod niini nga mga kahon ang liboan ka gagmay nga metal nga mga letra nga gitawag og type. Ang kapital nga mga letra gitawag og “upper case” tungod kay kini gitipigan diha sa mga kahon sa ibabaw.

Ang typesetter kinahanglang mobutang sa usa ka letra tagsa-tagsa ngadto sa instrumento nga gitawag og composing stick.

Ang mga ink ball gigamit sa pagbutang og tinta sa type.

Ang mga pahina ibitay aron mauga ang tinta.

Ang dagko nga mga pahina, nga gitawag og signatures, dad-on ngadto sa bindery. Pil-on kini dinhi, putlon ngadto sa gagmay nga mga pahina, ug tahion.

Gusto ni Joseph Smith nga ang Basahon ni Mormon hapinan og nindot nga panit nga siprahan og bulawan nga mga letra, sama sa Biblia.

Ang Basahon ni Mormon unang gibaligya niadtong Marso 26, 1830. Ang kada kopya mobalor og U.S.$1.75. (Sama kini sa mga U.S.$24 karon.) Kadaghanan sa mga tawo kinahanglan nga motrabaho og duha ka adlaw aron makatigum niana nga kantidad.

Karon liboan sa mga kopya sa Basahon ni Mormon ang mamantala kada tuig sa 85 ka lain-laing mga pinulongan. Pipila ka bahin sa basahon gihubad usab sa 23 pa ka mga pinulongan.

Gilitratohan ni Brent Walton

Dili Kadto Sayon!

Ang paborito nga istorya ni Luke gikan sa Basahon ni Mormon mao ang mahitungod ni Nephi nga mikuha sa tumbaga nga mga palid (tan-awa sa 1 Nephi 3–4). Ganahan siya kon giunsa ni Nephi sa pagpaningkamot sa pagbuhat unsay gisugo sa Ginoo. Nakat-on si Luke og susamang butang mahitungod sa pagmantala sa Basahon ni Mormon. “Nakat-unan nako nga dili kadto sayon,” miingon siya. “Kinahanglan ilang ibutang ang tanang mga letra nga magtuwad ug pinabali!”