Ang mga Panalangin sa Ikapulo

Ang pagbayad sa ikapulo makapanalangin gayud, ilabi na sa pag-ila nga ang kamot sa Ginoo anaa sa atong kinabuhi.

Ang Ginoo misugo kanato sa pagbayad sa ikapulo. Agi’g tugbang, Siya nagsaad nga “buksan … ang mga tamboanan sa langit, ug bu-boan … sa mga panalangin, sa paagi nga wala na unyay dapit nga igong kabutangan sa pagdawat niini” (Malaquias 3:10). Hinoon, ang Iyang panalangin moabut sa Iyang kaugalingong pamaagi ug panahon ug kini mahimong espiritwal o temporal.

Panahon sa kalisud sa ekonomiya o pamilya, ang saad nga mga panalangin sa Ginoo niadtong matinuorong mobayad sa ikapulo ingon og imposible. Apan sama sa naobserbahan sa mosunod nga mga Santos sa Ulahing mga Adlaw, ang pagbayad og ikapulo makatabang kanila nga mas makaila sa kamot sa Ginoo nga anaa sa ilang kinabuhi.

Para sa mga Ginikanan

Sa istorya sa “Usa Lang ka Sinsilyo” (Liahona, Ago. 2011, 70–71), si Daniel nakat-on nga ang pagbayad og ikapulo maayong pagpili—bisan kon ang iyang kontribusyon usa lang ka sinsilyo. Ang gilakip nga kalihokan nagpasabut sa mga paagi giunsa paggamit ang ikapulo. Ang pagbasa niining artikulo isip pamilya nindot nga paagi sa pagsugod sa panag-istoryahanay sa ikapulo. Aron inyong mga anak makahinumdom unsaon paggamit sa Simbahan ang ikapulo, ikonsiderar sa paggamit sa mga litrato sa kalihokan sa pag-adorno sa ilang garapon o kahon sa ikapulo.

Ang nangaging edisyon sa Liahona makita sa internet sa liahona.lds.org.

Pagtubag sa mga Pangutana

Giunsa Paggamit ang Ikapulo?

Ang baruganan sa ikapulo—boluntaryong paghatag sa ikapulo sa atong kinitaan ngadto sa buhat sa Dios—gitudlo na diha sa Daang Tugon (tan-awa sa Genesis 14:17–21). Mao ni ang paagi sa Ginoo sa pagbaton og pundo alang sa Iyang Simbahan. Karon ang mga pundo sa ikapulo gigamit sa (1) pagtukod og mga templo, chapel, ug ubang building sa Simbahan; (2) pagpadagan sa Simbahan; (3) programa sa misyonaryo (wala maglakip sa indibidwal nga gasto sa misyonaryo); (4) pagpangandam sa mga materyal nga gamiton sa mga klase sa Simbahan ug organisasyon; ug (5) pagpadayon sa ubang importanting buhat, sama sa templo ug family history.

Sa wala: gilitratohan © Photospin; background pinaagi ni Sarah Carabine; sa tuo: Against the Wind, ni Liz Lemon Swindle, dili mahimong pakopyahan

Gilitratohan ni Ed Ferrin

• Ang Ikapulo Makapalambo sa Pagtuo

  Lourdes Soliz de Duran

• Ang Ikapulo Makahatag og Kalinaw

  Ricardo Reyes Villalta

• Ang Ikapulo Makapakabig

  Ol’ga Nikolayevna Khripko

• Ang Ikapulo Makapanalangin sa mga Pamilya

  Sandie Graham

• Ang Ikapulo Mobukas sa Tamboanan sa Langit

  Jacqueline Kirbyson