Faamanatuina o Malumalu!
O Darcie Jensen e nofo i Kalefonia, ISA.
Ina ua maea le Malumalu o Sate Leki i le 1893, sa fiafia le Au Paia o Aso e Gata Ai. E 40 tausaga sa latou fauina ai le malumalu. Talu ai ona sa foai e tamaiti ni tupe e fesoasoani ai i le fausiaina o le malumalu, sa faataunuu ai e Peresitene Uilifoti Uitilafi ni sauniga faapitoa se lima o le faapaiaga mo tamaiti ina ia auai.
O aso nei ua anoanoai malumalu i le lalolagi, ma o loo fesoasoani pea tamaiti e faamanatu le faamaeaina o malumalu. Vaai pe na faapefea ona auai tamaiti i na aso ma aso nei.
E sili atu ma le 12,000 tamaiti sa o mai i le Malumalu o Sate Leki mo le faapaiaga. O tamaiti nei mai le Uarota a Sugar House sa o mai i se nofoaafi.
O le pepa ulufale lenei na faatagaina ai tamaiti e oo atu i le 16 tausaga ona auai i sauniga faapitoa o le faapaiaga mo le Malumalu o Sate Leki. Sa saunoa atu aposetolo ma sui o le Au Peresitene Sili i tamaiti i totonu o le malumalu.
O nisi taimi e toe faapaiaina ai malumalu pe a uma ona toefaafouina. Na pepese tamaiti Peraimeri ma tauave ni sulu i le faafiafiaga na faamanatuina ai le toefaapaiaga o le Malumalu o Anchorage Alaska.
O vaiaso taitasi a o fausia le Malumalu o Gilbert Arisona, ua faatu ai e tamaiti Peraimeri mai le Siteki o Gilbert Arisona Highland se sini e auauna atu i se tagata o loo i ai i a latou uarota.
A o fausia le Malumalu o San Diego Kalefonia, sa fai ai e tamaiti Peraimeri mai Mekisiko se fala felanulanuai mo le malumalu. Sa tutu le Au Pulega Aoao i luga o le fala i le taimi o le sauniga o le maatulimanu i le faapaiaga.
O tamaiti Peraimeri i Manitoba, Kanata, e tietie atu mo le tolu itula i le Malumalu o Regina Saskatchewan e papai atu i puipui ma tautino e o atu i totonu i se aso.
Sa faafeiloai e tamaiti Peraimeri i le fale tatala o le Malumalu o Kyiv Iukureini ia tagata asiasi i le lagiina o le pese “Ou Te Fia Vaai i le Malumalu.”
E silia ma le 800 tamaiti Peraimeri mai Aferika i Sisifo sa lagiina le pese “O A’u o se Atalii o le Atua” i le faafiafiaga faaleaganuu a o le’i faapaiaina le Malumalu o Accra Ghana.
O malumalu taitasi ua i ai se maatulimanu ua faaalia ai le tausaga sa faapaiaina ai. I le faapaiaga, e faamauina ai e Pulega Aoao le maatulimanu i le sima. O Isaac B., 9 tausaga, sa fesoasoani e tuu le sima i luga o le maatulimanu o le Malumalu o Kansas City Misuri.
Sa pepese tamaiti Peraimeri mo Peresitene Gordon B. Hinckley ina ua taunuu atu o ia i le faapaiaga o le Malumalu o Aba Nigeria.
Ata pue (mai le agavale): faaaloaloga a le Siteki a Gilbert Arizona Highland; faaaloaloga a le Church History Library; faaaloaloga a Richard N. Holzapfel; na saunia e Lynn Howlett; na saunia e Mabel ma Delbert Palmer; faaaloaloga a Russell K. Anderson; na saunia e David M. W. Pickup; na saunia e Lori Garcia; na saunia e Gerry Avant; ma na saunia e Julie Dockstader Heaps; ata na tusia e Brad Teare