Na Toefuatai mai e Iesu Keriso Lana Ekalesia i Aso e Gata Ai

E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.

Vaai faalemafaufau o loo alu se suega oa. O fea e te sue ai le oa? E faapefea ona e mauaina? Mata e i ai se pusa oa? O a ni mea e i ai i totonu?

O nisi pusa oa e i ai ni asoa mananaia ma ni tupe siliva taua. Ae peitai, i le avea ai ma ni tagata o Le Ekalesia a Iesu Keriso o le Au Paia o Aso e Gata Ai, ua ia i tatou se oa e sili atu lona taua: o le talalelei a Iesu Keriso.

E toatele tagata latou te le iloa e uiga i lenei oa, o lea la o se tasi o o tatou tiute o le faasoaina atu i ni tagata se toatele i se mafai tatou te mafaia ai.

Ina ua maliliu Iesu ma Ana Aposetolo, sa leiloloa pe na suia ai foi nisi o aoaoga ma sauniga taua o le talalelei, e aofia ai le papatisoga, pule o le perisitua, malumalu, perofeta soifua, ma le faamanatuga.

O nei oa uma o le talalelei sa toefuataiina mai e ala i le Perofeta o Iosefa Samita. Sa faaali mai le Tama Faalelagi ma Iesu Keriso ia Iosefa Samita i le Vao Paia ina ua tatalo atu o ia e fia iloa le mea moni.

Mulimuli ane, sa maua ai e Iosefa ia papatusi auro ma faaliliuina ai i le Tusi a Mamona. O le Tusi a Mamona o loo i ai aoaoga tatou te teufatuina aua o loo faamalamalama mai ai upumoni sa leiloloa. Ua tatou maua le tele o faamanuiaga ona ua tatou maua nei upumoni o le talalelei.

Oka se taua o nei oa!

Ata na tusia e Bryan Beach