Filifili ma le Alii

Eduardo Oliveira, Ceará, Pasila

Ina ua 15 o’u tausaga, sa ou fia alu ai i se teineititi o la’u vasega i le aoga ma ou manao ai e tafao faamasani ma ia. Sa lalelei o ia, ae sa ou mafaufau pe e tatau ona ou fai i ai ma te eva faamasani a o le’i atoa lo’u 16 tausaga. Sa ou manatuaina le Alema 37:37, e faapea, “Filifili faatasi ma le Alii i au mea uma e fai, ma o le a ia taitai oe mo le lelei.” O le mea la lena sa ou faia. Sa ou tatalo ma faatalitali mo ni nai aso mo le tali a le Alii ae ou te le’i faia se faaiuga.

I se tasi aso i le lotu, sa aami mai ai a’u e lo’u epikopo i totonu o se potu ma valaaulia au ou te lauga i le Aso Sa e sosoo ai. Mate mai la po o le a le autu? Aua le tafao faamasani seiiloga ua le itiiti ifo ma le 16 tausaga le matua. Sa ou lagonaina o le tali lenei a le Alii ia te a’u, ma o le leai. E faapefea ona ou aoao atu se mea ou te le’i faataitaia?

Ona sa ou filifili faatasi ma le Alii, sa mafai ai ona ou iloa le finagalo o le Alii mo lo’u olaga ma faapea ai foi ona ou solaese mai le faaosoosoga. Ou te iloa afai tatou te filifili faatasi ma le Alii, o le a Ia ta’u mai ia i tatou Lona finagalo ma o le a faamanuiaina tele i tatou.