O Le Mana o le Togiola

Ioriti Taburuea, Kiripati

Ina ua aoaoina au e faifeautalai, o autu faapitoa lava o a latou lesona i taimi uma lava o Iesu Keriso ma Lana Togiola. Sa latou faamalamalama mai o le Togiola o se meaalofa mai ia Iesu Keriso mo i tatou taitoatasi. O se meaalofa e mafai ona tatou faaaogaina i o tatou olaga i aso taitasi pe a tatou feagai ma tofotofoga po o le pe a tatou agasala foi. O le mana o le Togiola e siitia, faamalolo, ma fesoasoani ia i tatou e toe foi atu ai i le ala sa’o ma le vaapiapi lea e tau atu i le ola e faavavau.

A o faasoa mai e faifeautalai lenei mea, sa ou maua se lagona malosi sa molimau mai ia te a’u e moni, o lea sa ou filifili ai loa e auai i le Ekalesia.

Mulimuli ane sa ou filifili ai e faia se misiona ona sa ou manao e fesoasoani atu i isi ia iloa lenei meaalofa matagofie. E ala i le aoao atu ma le faasoa atu e uiga i le Togiola, ua ou vaaia ai le suia o isi i se auala fou o le olaga. Na oo mai se suiga atoa, e le na ona ala mai i le faalogo e uiga i le Togiola ae e ala i le faaaogaina foi i lo’u olaga.

Ua ou iloa e moni le Togiola. A tatou valaauina lana uunaiga i o tatou olaga, po o a lava tulaga tatou te feagai, e mafai ona taulimaina mea uma ma o le a tatou lagonaina le olioli.