Kuraenimwa Deny ma Ana Mitinare ae Uarereke
Emília Maria Guimarães Correa e maeka n te Mwakoro ae Federal, Brazil.
“Ngkana e taetae te aomata ni mwaakan te Tamnei ae Raoiroi ao a uotaki ana taeka ni mwaakan te Tamnei ae Raoiroi nako nanoia natiia aomata.” (2 Nibwaai 33:1).
Vítor e maeka ma tinana ao mwanena ni mwengan Kuraenima Deny. E a moanna ni mamara ana kuraenimwa Vitor ao e aki kona ni kitana ana kainiwene i nanon wiki aika a mwaiti. E tiku ni maroa i nanon ana ruu n ti ngaia.
E baireiaVitor bwa e kona ni kakawara Kuraenimwa Deny (bwa e aonga n aki maroa). Ni katoabong ngkana e okira mwengana man ana reirei, e ana te Riaona nakon ana ruu Kuraenimwa ao e wareki karaki man aia iteraniba ataei.
I mwin warekan katoton nako te Riaona are e iai irouia ana utu, e a waki ni wareki ana Boki Moomon ao te Baibara nakoina. Kuraenimwa Deny bon tiaki kain te Ekaretia, ma e tatangiria n ongora n ana wareware Vítor nakoina. E kukurei n reiakina taekan te euangkerio.
Kuraenimwa e anga titiraki aika a mwaiti. Ngkana e aki ataia kaekaia Vítor, e titirakina ana tia reirei n te Moanrinan ke e kakaea ni boki aika a tabu. Kuraenimwa e arana Vítor bwa ana mitinare ae uarereke.
Kuraenimwa Deny e tuanga Vítor bwa e mwaiti ae e reiakinna mai irouna. E berita bwa e na iri n taromauri ma ngaia ngkana e marurung. Bwai ake e reiakin e karekea tangiran te kan marurung ao ni kamatebwaia riki taekan te euangkerio.
Ngke e marurung Kuraenimwa, e kawakina ana berita. E nako n taromauri ma Vítor n reiakin bwai ake a e a tia n reireinna. E aki maan i mwain are e bwabetitoaki ao ni kamatoaki Kuraenimwa. Vítor e a tia ni buokia n reireinnabwa te euangkerio e bon koaua.
Ngke e a ikawai Vítor, e riki bwa te mitinare ae e bwanin ana tai n te Boston Massachusetts Mition. I mwain nakona, e nakon te tembora—ma Kuraenimwa Deny.
Tamnei a katauraoaki man ana mwannanoiroun Emilia Maria Guimarães Correa